小朋友之約會(14OCT2013)

識我o既都知，我有一班人類小朋友圍繞我長大，正確黎講，我係睇住佢地逐個逐個出世，又睇住佢地逐個逐個長大！好多時佢地D活動都邀請我出席，如果我地出，佢地會就晒我，只要俾狗去到o既地方，去邊度都無所謂，只要可以一齊玩！一早已經見個天陰陰，又無落雨，已不停吹雞話出去活動！去邊就由我話晒事！
見咁有誠意，好啦，活動就由我安排！第一站本來去迪士尼，一去到落雨，真係掃興，唯有轉場我帶隊去左深水角徑，去到D雨都無停過，再轉場入東涌！唯有間餐廳，可以邊食邊等！
食食下，終於停雨啦！

佢地就踩單車，我就不停追單車！

坐左咁耐先停雨，重唔喪跑！

今次矛得坐單車！

不過我LIKE跑多D！

我都有份參與花式單車表演！

係到玩左個幾鐘，本來打算去百慕達，不過落左幾個鐘頭雨，D草地濕晒！不如去海濱長廊！
佢地全部都末去過，咁就由我帶隊啦！

呢度真係巧正，踩單車又得，慢慢行又得，有風又有景！

個個都話我無介紹錯呢！哈哈！

最緊要你地玩得開心，佢地已經大個仔，無再餵我食樹葉，重識話要我D零食輪流餵我！

玩到成七點，我就帶佢地去荃灣食飯，返到屋企成十點幾！重要沖涼又末食晚飯，真係爆！