尋根之旅

離開大尾督又唔想咁早返屋企，突然醒起一個地方好想去，擇日不如撞日，一於就去！去邊，就係我同茶包第一次見面的地方，本來打算月尾先去，係我七年前同一日，不過要返工，就而家去啦！
原來我地第一次見面地方就係大埔中心麥當勞門口，熟我o既應該知道我係自家繁殖，所以約左係果度等！所以呢個係我地一個超有紀念價值！七年無再黎過，今日重遊，別有一番滋味！

好彩呢間麥當勞重係到！

第一次見面，其實重有我細妹同老豆！

當期時BREEDER夫婦張我地三個放係麥當勞門口呢張長凳，好彩重係到！

我地三個都唔知發生咩事，係張凳走黎走去！

由於太多人圍觀，以為發生咩事，所以我地移私對面，泊車處！

佢地傾價錢，又諗下帶呀妹定帶我走，我就掛住同呀妹係架車裡面打交！

最後就因為平D，所以就帶我走！呢個地點，就係我同呀妹老豆最後SAY GOODBYE o既地方！

希望你地生活得很好！

就係咁，一個狗袋，一塊尿片，一包夠兩餐o既狗糧加我，就跟茶包走！我地行前小小o既巴士站！

就係呢架巴士，係我唯一一次坐巴士，目的地係邊，當時我重唔知道！只有偷偷係袋中UN UN叫！

就係呢架巴士，張我由大埔移民去荃灣，亦帶我展開我另一個新生活！

今次尋根之旅，重回舊地，當日發生o既就好似尋日發生一樣，但原來已經係七年前o既事！不過今日係超開心同特別有意義o既一天！