體育老師奶茶帶領登高峰挑戰麥八(22Dec2013)

上次壽悠灰推舉我做體育老師，咁誇張，好一於帶你地上一堂值得紀念o既P.E堂先！係呢個天氣下，長征一定會好C服！今次帶你地勇登全香港最高點大帽山，一條我認為風景最靚亦唔難行o既行山路線，希望各位能留下一個美好回憶，不過行呢到，同八仙嶺一樣，一定要配合天氣，溫度濕度重有能見度！好彩天公做美，所有野都達到預期，正！記得上一次行，濕度百份之一百，嘜都睇唔到，得個濕字！
我地分批坐的士去到大閘口！先黎一張大合照出發！

我地由七百幾米開始直上九百幾米最高點！

由於呢排好凍，出發前驚凍親D朋友仔，上到黎，反而擔心中暑至真！

彎彎曲曲走過一彎又一彎，個個都笑晒口！

完全樂在其中！哈哈！

波波就係最高點，距離目標，重有一段距離！

朋友仔努力加油，記得上次濕度高，行到屎下屎下，今日一D辛苦感覺都無！

我地越黎越接近大波波啦！

我地身後就係錦田，大家休息下先！

喂，各位抖夠啦！我又發揮牧人狗本色，不停趕人行！

重差少少呀，天空真的很藍！

目標在望！

終於到左最高點，我地已經係天與地中間呢！

大地全在我地腳下！

離開最高點，我地開始慢慢落山，向我地目的地城門水塘進發！

呢段路風景超靚，上次睇唔清楚，今次真實好多！

除左牧人狗，今次重有牧牛狗II，趕到D牛雞飛狗走！不過樂極生悲，擦損個咀流血，下次唔好啦！

話咁快到左四方山！係時候黎個大休息！

休息，就係因為有更長o既路要行！

開始上山峰啦，朋友仔話辛苦，呢到已經超小兒科，上次八仙嶺N咁多個呢D重要長幾倍！

跟住沿我最屎框o既山脊行，兩邊風景超正呀！

你地覺得點呀，我就行得好興奮！

山上面有好多大石頭，好壯觀呀！

希望再有機會黎行多幾次呢！

咁天與地FEEL，當然影返幾張大合照先！

落埋呢段山路，就到鉛曠坳！臨行前，擺晒"鋪屎"！

估唔到，佢地覺得係最辛苦一段路！

對於體育老師o既我，好似食生菜啦！

好快就落到鉛曠坳，辛苦晒大家！

再黎一個大休息！離開鉛曠坳沿石屎路行返落城門水塘！

行左五個鐘，睇返D開心相，係米倦氣全消呢！

今個旅程，希望大家玩得開心！