游游游@香港狗公園

星期日亦都係我既遊樂日, 早兩日先打完風. 外面個天又好似會落雨咁, 唉! 都係唔會去得邊,唔駛問,  都係去游水啦! 去還去, 去下新場好喎! 我唔悶, 大家都睇到悶啦! 乜話? 去 香港狗公園? 我舊年都有去過啦, 係到扮晒好有"唉D牙" 咁! 算啦算啦! 就去香港狗公園, 唔係, 又唔知等丁到幾時! 高高高！！！

打風後的咪咪公園

前日無端端打風，點解成日放假先黎唔好天，真掃興！點知呢個風，好似知我嬲，快黎快去！好彩落左風，天色都幾好！到下晝重太陽伯伯高高掛，一於唔好浪費半天假期，不如近近地去咪咪公園行返陣，反正都有兩三年矛去過咪咪公園，唔知而家變成點呢！

水著派對@寶寶

原本一心打算禮拜日去攀山涉水正海灘游水，可惜天公不造美，天文台重話狂風大驟雨，點線，就算唔落雨，咁大風一定刮大浪，肯定一D都唔好反，長途拔涉去到掃曬興就真係唔該晒！沙灘都係留返風和日麗先去，既然去唔到沙灘又擔心落雨，不如就去室內泳池，一樣玩餐飽！
大家都巧準時到，朋友仔，水著派對即將開始，ARE YOU READY！

艾粒濕平

近期"飛屎卜"洗版咁，好多人都講有間日本寵物用品店登陸香港，全部日本貨，一聽到"NIHON"黎，當然兩眼發光啦！都好想去朝聖一下，你知我慌屎蝕底，唔執輸，梗係要去八卦一下，睇睇有矛正野！就襯今日落雨，室內"濕平"當然唔錯啦，簡直一個好節目！
成三點幾去到，鋪頭係商場入面，係鋪頭可以自由行，我當然矛咁笨，有車坐當然坐車仔，反正有人推！

奶茶航空帶您衝上雲霄

繼上一輯衝上雲霄後，各位觀眾肯定念念不忘，既然大家咁掛住，籌備左年多，繼續開拍續集，主角當然又係我啦！我應承大家要帶俾大家歡樂嘛！係唔係！上集重係一柴我，今集升為三條！多謝道具組o既同事們！我諗呢幾年我為大家做歡樂先生應該得到肯定，抵升職加糧啦！

暢游橋咀島

今個夏天都末真正去過海灘游水，尋日收到卡卡問有無地方去，不如就去沙灘游水，不過早起身就唔得，有人想安樂醒，所以要下晝先去！咁就約好三點係西貢等，真正三點不露！我地今日去橋咀島游水，不過我D朋友仔上個禮拜去完，見到有狗俾魚勾整親，所以要打醒十二分精神！今朝都好好天，點知出門口就傾盆大雨，點算，去左西貢至算！去到無落雨，可能個天唔想掃我興！
去橋咀就要坐船！我自已都帶左開心號出發！

酷熱星期六與日

呢兩日好天到不得了，可惜熱到有D過份，星期六有活動不過矛我份，佢地去左烏龜沙渡假營BB蕉，澄一建一兩兄弟都有去，佢地以為我有份去，所以好興奮，當知道果度唔歡迎我，兩個即時好失望話唔去啦！見你兩個咁好，一於陪你兩個食返個LUNCH先！

游游游，寵物寶寶游游游

今日天陰陰又落雨，真係唔知去邊好，左諗諗右諗諗，不知不覺成三點幾有多，個天又濕又焗，又驚落雨，不如去室內玩米矛又怕，咁熱當然游水至爽啦！室內游水，一於去寵物寶寶城！唔洗十分鐘就執好野出門口！去到已經四點，快D俾錢，不過都幾"拿利"，兩大一細都成三百幾蚊！有得玩，矛所謂啦，米咁孤寒啦！

我家的茶杯POODLE

每次去深水都話買野俾我，實情買埋D無謂野撚化我至真！今次重離譜，話驚我成日自已一個係屋企，買左隻TEA CUP POODLE返黎陪我，唔洗瓜，我自已一個米好好地，唔洗D咁野搞好播！點知真係買左返黎！我真係矛眼睇！

熱爆錦田三部曲(19May2013)

尋日收到名希邀請，問我有無地方去，我都係諗住去游水，佢話去錦田，都OK呀！反正錦田都有得游水，不過要睇下天氣先！到左下晝見好天，出發啦！我地約左係錦田俱樂部等！真係不得了，係熱到頂唔浦！不如係到玩算啦，有野遮蔭又大風！