*奶茶與你同行*

2013年11月6日星期三

暢遊烏蛟騰(03NOV2013)

尋日去完彭福生日會，今朝又晨早起身，去邊，原來去烏蛟騰行山，約左十點係裡面等，點知去到大尾督封路，原來有馬拉松比賽！好彩封到十點鐘，我地比原定時間到達！今日又唔曬又有風，行山就VERY GOOD！人齊啦，出發！

2013年11月4日星期一

菲比悠悠生日PARTY@彭福(02NOV2013)

上個月收到菲比邀請我同乖乖出席佢同悠悠係彭福舉行生日會，人家邀請我，即係比面我，既然咁比面又點可以唔參加呢！好一於申請定假期先！不過一號風球，好彩無落雨！我同乖乖一齊出發，遲左少少！

2013年11月2日星期六

不知不覺黎到呢個家七年了，時間過得好快，希望日子可以慢慢咁過，等我可以繼續享受生活！過去呢一年，好似唔係去過好多地方，但睇返至少每個禮拜都有得出去玩，算係過左充實既一年！
每年呢個日子，都會回顧過去一年，今年亦都唔例外！已經出到"奶茶快樂的一年"第五集"，每次重溫過去四集，都覺得好開心！所有相片都係值得紀念既人與事！

希望大家喜歡，一如以往，今年過得很快樂，期待明年更精彩！
下年同樣時間上映第六集！密切留意！

2013年10月31日星期四

蝦佬喂2013

又到一年一度蝦佬喂，扮鬼扮馬我至LIKE！呢個節日名正言順可以玩野，我又點會錯過！今年會以全新造型，一定要嚇C你為止！哈哈！
有請，巧恐怖o既鐵鈎船長出場！

2013年10月29日星期二

行山第一擊城門水塘鉛曠坳(27OCT2013)

終於等到行山季節啦，今朝晨早有人放工，雖然巧眼訓，難得好天氣，唔出去簡直SIDE曬，咁耐無行山，不如近近地去城門水塘行下，順便睇下體能有無跌WATT，就係今年行山"青零"第一炮！本來諗住齋行下畔塘徑！

2013年10月28日星期一

HALLOWEEN PARTY 蝦佬喂派對 2013 (26Oct2013)

幾個禮拜前收到BUCKY邀請，問我有無興趣去SUS慶祝HALLOWEEN PARTY，不過有人要返工，所以無應約！不過前幾日，又諗下諗下，佢地下晝開PARTY，反正返工返夜晚，最多米早走！前幾日厚面皮再問下重有無位，巧彩可以參加，好野，又有PARTY去！
等我化身成天使去參加先！

2013年10月22日星期二

COOKU生日會@香港犬隻工作及障礙賽事會(20OCT2013)

個幾月前收到COOKU邀請出席佢o既八歲生日大派對，當然好，如果有假放，定必出席！真係皇天不負有心人，可以一齊參與！地點係上水o既香港犬隻工作及障礙賽事會，反正我末去過更加興奮！不過無論去邊樹搞，我都會參加，只要時間配合，目的係同壽星女慶祝生日，唔係自已去玩！末去過更加想去添！
不過話晒第一次去，唔識路，跟住個GOOGLE MAP，俾佢老點盪失路，好彩最後都終於去到！不過我地遲左到，唔好意思呢！個個都到齊！

2013年10月16日星期三

Dyson Ball DC48 吸麈機

Dyson呢個牌子，大家一定唔會陌生，一直用人性化而又時尚o既設計，深入民心！其實何止深入民心，更深入寵物之心，特別係我奶茶心！自從上次介紹過Dyson Groom吸頭，專為寵物設計，可以一邊梳一邊吸毛，唔會搞到周屋毛！

2013年10月15日星期二

小朋友之約會(14OCT2013)

識我o既都知，我有一班人類小朋友圍繞我長大，正確黎講，我係睇住佢地逐個逐個出世，又睇住佢地逐個逐個長大！好多時佢地D活動都邀請我出席，如果我地出，佢地會就晒我，只要俾狗去到o既地方，去邊度都無所謂，只要可以一齊玩！一早已經見個天陰陰，又無落雨，已不停吹雞話出去活動！去邊就由我話晒事！
見咁有誠意，好啦，活動就由我安排！第一站本來去迪士尼，一去到落雨，真係掃興，唯有轉場我帶隊去左深水角徑，去到D雨都無停過，再轉場入東涌！唯有間餐廳，可以邊食邊等！
食食下，終於停雨啦！