儲蓄的習慣

由細到大我都有儲蓄習慣，呢個習慣可能出於天生，沒人教曉我！雖然每天有唔同零用錢要儲，有時多，有時少！但係呢個習慣亦都係我一生使命，亦是唯一使命！

講到儲蓄又點少得荷包，我個荷包唔係甚麼名牌子，又唔係時款！但無論如何，呢個荷包仔每日廿四小時都貼住我，同我形影不離！我要保護同捍衛荷包仔，因為我驚有人靜雞雞打荷包！

呢個五公分直徑荷包仔，好神奇，永遠都藏唔滿，永遠都有位，就好似叮當個百寶袋一樣，小小的，但裡面有著無窮無盡東西！

當如果你問我荷包仔裡面有甚麼東西，請先問一問你自已，你，以前，曾經，想過，或者，將會給甚麼我放進去，無論你給我甚麼，因為我相信你！我不會過濾，毫不保留的，一一放進我的荷包仔！

當有一天，如果要打開我的荷包仔，雖然裡面並不是甚麼名貴寶藏！但我希望裡面全部都是快樂的片段，幸福的時光，但有一樣最重要東西，就係我們之間！

當我努力儲蓄時，同樣地希望你也會養成儲蓄的習慣！把我們之間也放進你的荷包裡！

我能否成為真真正正的貴富狗，在乎同取決於你給我多少！