記得你以前總不喜歡回家，喜歡流連，喜歡浦！感謝你，自我由M812小行星( 小王子曾經也是我居，不過佢住B612) 空降你家一刻開始，你喜歡回家，而我也樂於等你回家！曾經講過等你回家是我唯一的職責，我享受！我同龍懷騫一樣，同所有人一樣，我也識跳那支開心舞！每次當你開門一刻，我已經跳出準備了一整天的開心舞，我也希望你也一齊跳那支開心舞吧！
雖然擁有著不同言語，但我也擁有感覺，也有強勁嗅覺！當你掏出鎖匙一刻，你身上那股強勁心情，正負能量已經把你重重包圍！在你末開門前，我已感覺你的心情！當你不快樂的回家，雖然你裝作若無其事，但我可肯定的告訴你我是知道的！我也會跳開心舞去歡迎你，平時的五個轉體，變成三個轉體！當你心事重重的，我也不打擾你，連我最喜歡的網球，也由他吧！靜靜的伏在你視線範圍的三呎內！雖然我不能完全明白，但我完全知道！雖然我不能夠分擔，但我相信我可以分憂！你的不快樂，我也會不快樂！因為我的快樂與不快樂，泉源正正就是你！當你選擇我作為你家寵物，由小星球空降你家一刻開始，你要的不是快樂嗎！
所以當你每次掏出鎖匙前，門口旁就是垃圾房，把所有的不快樂通通拋掉！因為雙手抱著這樣多的包袱，又怎能夠開懷的同我一齊喪跳那枝開心舞！請記著不要為明天憂慮， 因為明天自有明天的憂慮； 一天的難處一天當就夠了。當你是我快樂的源頭，同樣地我也想我是你快樂的源頭！
受字中間加個心就變成愛，原來愛要用心感受！愛有明天，簡單告訴你，有愛才有明天！愛回家，因為回家有愛！
你愛回家嗎！
你愛回家嗎！
P.S 送給所有愛回家的人，愛我的心靈雞湯，特別是你，祝福你！
見到兩個女已經是我最強而有力的 分擔.. 奶茶家都一樣.. 奶茶就是每個細緻觸動心靈的音符
回覆刪除[版主回覆09/07/2011 22:33:10]你一家除左跳開心舞，肯定唱埋歌！載歌載毛！哈哈！
形容得好貼切....開心舞，無論你一日返多少次家，每次都跳，絶不欺場。
回覆刪除奶茶點解你日日跳舞都咁.....肥仔 ka ^00^
[版主回覆09/07/2011 22:34:39]開心舞唔同健康舞！唔洗one more two more!哈哈！
亞四，你有冇同奶茶一齊跳開心舞架？拍返個video 睇下好wor！Wakakaka！講個"Mimi"你知，我日日返屋企都會撲乖乖，用好誇張地興奮嘅語氣同佢講嘅，等佢知道我都等咗成日，好想見到佢架！hehe！
回覆刪除講真返到屋企見到佢哋唔使去拉圾房都自然放低哂D唁開心嘢
[版主回覆09/07/2011 22:36:16]掉左落垃圾房，就Double happiness!跳都跳得勁D!哈哈！
"當你選擇我作為你家寵物，由小星球空降你家一刻開始，你要的不是快樂嗎！"
回覆刪除茶包你一野中晒...睇到我D眼淚終於忍唔住...喊左
[版主回覆09/07/2011 22:37:31]所以肯定你一定很快樂！哈哈！
wakaka..我地一家都會跳開心舞架..
回覆刪除[版主回覆09/07/2011 22:38:24]樓下有無投訴，全家一齊跳！哈哈！
M803 同M812 小星球都帶著同樣的任務空降於我同你的家, 亦好盡責地跳佢地的開心舞^^
回覆刪除[版主回覆09/07/2011 22:39:10]毛毛！你都識小王子！哈哈！
愛回家，因為回家有愛！...愛看你的心靈雞湯!...
回覆刪除[版主回覆09/07/2011 22:40:25]禁灑！（台語感謝）！哈哈！
寫得好好，養小動物的確帶來很多開心，縱使言語不通但互動間又讓人感受到愛！祝福你奶茶茶包每天都開開心心！！：)
回覆刪除[版主回覆09/07/2011 22:41:18]些些！祝福你一家也每天合皮！哈哈！
講得好好呀!!我每一次見到MOMO 不停轉轉轉...我就覺得佢好開心,又快樂, 令到每一日既辛勞都無哂~~呢個都係我每一日想見到既~~
回覆刪除[版主回覆09/07/2011 22:43:31]Momo肯定Enjoy跳開心舞啦！哈哈！
受字中間加個心就變成愛，原來愛要用心感受！--> 寫得好好呀！但願我地每一個都可以永遠跳到那支開心舞~~~~ 祝福奶茶一家，日日都開心！
回覆刪除[版主回覆09/07/2011 22:45:06]中文字有時都幾得意！但願真的永遠跳那支開心舞！哈哈！
Haha, 我屋企三個都識跳開心舞呀, 睇完你篇文章, 好想E+即刻衝返屋企, 的而且確, 有左佢地之後, 無時無刻都 "愛回家" 好喜歡以下三句 : 有愛才有明天！愛回家，因為回家有愛！同樣亦可應用人身上, 中秋節快到, 祝你地和家人, 人月兩團圓, 主恩滿溢!!!!
回覆刪除[版主回覆09/07/2011 22:47:00]些些！也祝你一家月餅節快樂呀！哈哈！
講得好啱 " 要用心才能感受---愛" 謝謝你的心靈雞湯!
回覆刪除好多時我都會同雪雪一齐跳開心舞架!!
[版主回覆09/07/2011 22:48:10]願雪雪永遠與你跳那支快樂的開心舞！哈哈！
茶包...每次你出親心靈雞湯,都要我流幾行眼淚~~~
回覆刪除[版主回覆09/07/2011 22:49:19]衷心感謝你喜歡奶茶牌心靈雞湯！哈哈！
咦~ 奶茶你好勁呀!! 你唔怕黑 .. 但你同其他狗一樣係怕凍XD 你成日都有咁開心o既笑容, 又邊有人捨得, 收工唔即刻回家ka ^.~
回覆刪除[版主回覆09/07/2011 22:50:50]我怕凍，但我更愛凍！我好想郊外喪跑呀！小腳板很痕呢！哈哈！
雖然我唔識跳開心舞 , 但係我會用我個甜美笑容話比爸爸媽媽知..............歡迎佢哋回家~!! 我相信好多家長都會明白我哋想表達咩嘢意思, 只是一個眼神一個笑容, 一個動作 , 唔需要用說話都會知我哋真心真意等緊佢哋返屋企 , 奶茶咁叻識跳開心舞, 下次教吓我吖??
回覆刪除[版主回覆09/09/2011 23:40:37]你好勵害，識得用笑容跳開心舞，可以慳返D力氣！哈哈！
唔止愛回家,仲係趕住回家 :-P
回覆刪除[版主回覆09/09/2011 23:41:34]趕唔係問題，最緊要遇唔到熱狗巴！哈哈！
嗯! 你講得岩, 明天有明天既煩惱, 好多謝你呀! 近日我工作上都唔開心, 多得你呢句! thx
回覆刪除[版主回覆09/09/2011 23:42:52]最緊要見到Mocha,包你無煩惱！哈哈！
真係講得好好.真係自從佢地黎左之後,我每次反完學第一樣想做既就係衝反屋企見佢地.見到佢地,就好似咩煩惱都吾記得.
回覆刪除[版主回覆09/09/2011 23:43:28]所以大家都愛回家呢！哈哈！
我都明白嗰種以前明明係一個夜街精... 到宜家深閨到不得了嘅感覺
回覆刪除我家奶茶都係跳開心舞呢~ 而麥皮一定會高歌一曲~ 曲譜佢定 XDDDD
[版主回覆09/15/2011 01:53:20]咁一定深閨啦！載歌載舞咁歡迎你！哈哈！