2011年10月21日 星期五

驚嚇、驚喜


無啦啦話要改變我飲食習慣，但又唔同我商量！搞到我一時唔知點好，明明朝早八點半，夜晚都係你食飽到我！點解今晚你都末食就同我開飯，莫非我升左呢，做左大佬要食先！一飯碗，當堂醒目晒，坐定定！





唔食由自可，一睇把幾火！得果D咁多，你玩我咩！


終於明白咩叫雞碎咁多！

到你開餐！每晚你一食完，我九秒九跑去飯碗準備！今晚等極都無，超唔開心，矛晒MOOD！點解要咁對付我！


點知兩粒鐘後，又飯碗！開心得我，哈哈！跳番PART開心舞！





點解會咁神奇！唔通個天知道我肚餓，大顯奇跡！



今次多左DD咁多！一如以往！



三兩下口勢！





眼睛發狂！



閉目享受！



汁都撈埋！



可以照鏡！



其實分兩次都搞盡腦汁，又唔可以一次吞太多！以我份量每日要一杯半至兩杯糧左右，即係十二格至十六格！不過慣左晚餐加少少肉！以今晚為例有一條雞柳加四份一個超細南瓜！所以糧就要好好分配！經左踱右踱，得出結果！早餐六格！晚上第一餐兩格，兩個鐘後第二餐四格！希望咁分配會好D！唔雖要一次過大量消化，希望真係會有改善！不過對我黎講，個個鐘一餐重PERFECT！
屋企都無人同我爭，點解會狼吞虎嚥，莫非有童年陰影，我阿妹成日同我爭食？搞到我唔識慢慢歎！





張貼者： 於
標籤：

15 則留言:

  1. Momo2011年10月21日 上午9:18

    奶茶你真係吞架喎, 見你個頭都無串過出黎咀嚼, 就咁吞落肚,你乖乖聽話慢慢食呢,消化唔到又嘔咖啦~~>.<
    [版主回覆10/21/2011 12:26:06]嘜要串過頭出黎！一串可能飯碗不見了！哈哈！

    回覆刪除
  2. 小火車2011年10月21日 上午9:30

    咦~ 奶茶, 乜你唔係大佬呢喇咩 XDD 好彩你家有人可以貢分幾餐食, 如我家就屎啦 .. 個個都趕返工, 得我一個主力餵, 一定餓屎佢地囉 XD
    [版主回覆10/21/2011 12:27:11]無計！鬼叫我咁食法咩！

    回覆刪除
  3. 壽壽, 悠悠, 灰灰2011年10月21日 上午11:27

    奶茶，一分鐘就清哂個飯碗, 二個鐘後就有第二餐，開心到你個樣，無啦啦有２餐食，茶爸真係用心良苦呀~
    [版主回覆10/21/2011 19:14:22]些些你嘅關心，希望唔洗再擔心！哈哈！
    [壽壽, 悠悠, 灰灰回覆10/21/2011 13:46:48]我覺得奶茶好配合你安排，其實佢都唔想自己有事要你地擔心呢~ good boy!!!
    [版主回覆10/21/2011 12:28:54]正確黎講係四十五秒！哈哈！
    用心良苦，實情係唔想我再睇E生Side錢！哈哈！

    回覆刪除
  4. RMS2011年10月21日 晚上9:38

    㸃解要改食飯時間？
    [版主回覆10/21/2011 23:05:29]早排食日嘔，所以要改變時間，小食多餐！

    回覆刪除
  5. 奶茶麥皮mami2011年10月21日 晚上10:19

    細奶茶真係同你差唔多速度~ 不過我哋啲糧大粒啲... 佢會咬下先~ 最好梗係個個鐘有餐開啦 ^o^
    [版主回覆10/21/2011 23:06:59]咁我可以同細奶茶組隊參加大食比賽！Sure Win!哈哈！

    回覆刪除
  6. Jovy N Fanta2011年10月21日 晚上11:20

    C傅仔,你用一分鐘食完,我係你一半...30秒攪點...究竟係我食得快定太小呢 :-(
    [版主回覆10/21/2011 23:21:38]K9 份量真的太少鳥！哈哈！

    回覆刪除
  7. 奶昔芝麻Miffy2011年10月22日 凌晨12:15

    奶茶你食個晚餐都可以有咁多表情,哈哈.奶昔你真係好快就食晒兜糧,我果2個日日都起碼食成5分鐘
    [版主回覆10/24/2011 00:01:21]食得慢好好多，唔似我餓狗搶X咁！哈哈！

    回覆刪除
  8. 乖乖2011年10月22日 凌晨12:22

    茶茶，契媽累咗你喇，話你食得太多糧，所以由明日開始你兜糧要cut份量！不過睇你Daddy個樣好似覺得你好可憐咁，所以我有理由相信佢分分鐘加返D牛扒或者小食俾你，到時你可能因禍得福！Hahaha！
    [版主回覆10/24/2011 00:02:16]糧少左矛所謂！千祈唔好減肉就得！哈哈！

    回覆刪除
  9. 毛之家2011年10月23日 凌晨12:30

    奶茶真係食得太快，可能係咁難消化，時下有d碗裡面有凸位，話可以減慢食嘢速度，有矛試過？
    [版主回覆10/24/2011 00:04:28]而家分開左兩餐晚餐好好多！等我搵下果隻碗先！些些！

    回覆刪除
  10. ph2011年10月23日 晚上9:19

    糧, 肉, 瓜, 比例又唔錯喎!! 分3餐食, 消化會好快無問題啦!!唔洗嘔路掛^^
    [版主回覆10/24/2011 00:05:40]希望真係有幫助！唔洗再頭痛！哈哈！

    回覆刪除
  11. ♥ Moecca ♥2011年10月24日 上午11:09

    奶茶跳∮開心舞∮......笑死我喇^o^
    [版主回覆10/26/2011 12:30:04]勁無！開心舞我最耍家！哈哈！

    回覆刪除
  12. 圓咕碌2011年10月25日 上午11:35

    睇到奶茶段片 , 佢真係用條脷 lam 啲糧嚟食 , 無咬過 , 如果係咁.............真係要少食多餐呢~!!
    [版主回覆10/26/2011 12:30:48]係呀！所以真係要小食多餐！哈哈！

    回覆刪除
  13. Mocha_Joanne2011年10月26日 下午3:21

    咩事..無端端要分開2餐dinner食既?
    [版主回覆10/27/2011 16:42:24]早排訓醒嘔，所以嘗試下少食多餐！哈哈！

    回覆刪除
  14. Gi-Cha2011年10月29日 凌晨1:36

    蕃薯: 我以前係食野第一快, 不過有咗細佬之 後就變咗第2啦...,
    OBASHI: 　我食快Ｄ先可以食埋你個Ｄ架嗎。。。。
    蕃薯： 就係因為我要"目及" 住你, 所以我食慢咗囉...
    吱喳總結...比個弟弟或妹妹比奶茶, 奶茶一定有改善.....不過又輪到細個個...哈哈哈..

    回覆刪除
  15. 小bu2011年11月1日 下午4:08

    奶茶真係乖呀，加左d肉落去d糧到都肯食晒，如果甘樣比小bu佢係會食晒d肉唔食糧囉！所以我係會先比糧後比肉架！

    回覆刪除

訂閱： 張貼留言 (Atom)