經過一段水泥路，接住進入古道！
最初一段超輕鬆！
原來好戲在後頭！一段段超斜泥沙路上斜，佢地企都企唔穩！上完一段又一段，相都影唔到！而我，好似行平路咁，佢地問我腳板係米有吸盤，可以行得輕鬆自然！經過唔知幾多段呢D又"扇"又斜泥路，終於到頂啦！我俾個機會你地休息下啦！
經過一輪休息，再繼續前往荃灣！
風景超超超正！
終於到左最高473米石龍拱！可以望到青馬大橋！可惜今日有煙霞，睇唔清！
不過有好多中學生玩野外定向，所以我地繼續行！荃灣青衣全部係我腳下！
呢段路全部落山，成個荃灣睇晒，連我屋企都望到！
好快差唔多到啦！
黎到呢個位影返張相飲水！
行啦！突然聽到有人叫救命！我地你眼望我眼！去返聲音方向！即係頭先影相個牌後面！
聲音係一個中學生聲音，就係呢個山谷入面，不過從佢聲音，應該好遠同好入！
我地問係米有人叫救命！
對方答：係呀！救命呀！
由於佢講唔到位置，而裡面係一個山谷，根本入唔到去！
跟住我地問，有幾多人！
對方答：一個，ONE！
跟住我地問有無受傷！
對方答：有呀！手受傷！
一聽到有受傷，我地就打九九九！而我地叫佢保持震定！話俾佢聽，幫佢報左警！唔好再叫，保持氣力！
對方答：好呀！唔該！
由於係半山，消防同警察不停打黎CONFIRM，又叫我地唔好走開！我就乖乖等消防！
差唔多十個字消防先黎到！我等到佢地到個細路，我地就走啦！
所以我地話今日行山好有意義，如果唔係聽到叫救命，個細路就慘，原來就係頭先玩野外定向幾中一個碌左落山！
終於明白咩叫上山容易落山難，全部大斜路，雙腳發軟！
阿四話呢條唔係叫元荃古道，應該叫原全到！挑戰者對我甘拜下風，佢話認輸啦！
打緊呢篇扑，佢話周身到癲左，而我重不停要求玩拋波波！連佢都話認輸！哈哈！
^O^ ... 奶茶、茶包確係醒，救左細路冇得頂，亞五影相留記念，今次行山最有型。
回覆刪除[版主回覆12/19/2011 23:02:15]行山八掛我最醒，電話救人要淡定，圖文並某睇得明，今次經驗無得頂！哈哈！
今年嘅英勇勳章可以提名你哋wor！如果放奶茶落山救埋個小朋友仲型，我實親自同奶茶寫返篇專訪！Hahaha！講真，個小朋友真係好彩，係Le D 荒郊野外＋年都冇人經過，如果唔係你哋聽到求救佢就慘喇！難怪你話今次行山非常有意義啦！讚！
回覆刪除[版主回覆12/19/2011 23:04:14]係呀！所以我地覺得好有意義！係等消防員期間，我無催人走呀！哈哈！
真係好有意義呀, 唔係有你地經過呢位小朋友就冇人幫到佢手, 不過話番轉頭, 佢地d朋友仔冇理由唔知少左個朋友仔呀, 所以咩情況行山都好, 要小心之外, 就係久唔久要報數. 聽到都心驚驚呀.
回覆刪除[版主回覆12/19/2011 23:05:40]我地報左警成半個鐘，先有人走落黎搵話唔見左一個團員！
好彩你哋可以報警救個細路，實在好好彩，奶茶你叻過我,我都未行過你段路線架﹗
回覆刪除[版主回覆12/19/2011 23:06:47]呢條路風景好靚，唯美中不足荃灣段大斜啦！哈哈！
好耐無行山1, 好懷念...以前行山見到狗狗都會同佢地玩一餐, 好開心架!!
回覆刪除奶茶唔駛用狗繩, 走來走去, 唔怕危險?
[版主回覆12/19/2011 23:08:16]奶茶會行前十步，唔會走遠，跟住再回頭點人數再行前，如是者！哈哈！
真係好有意義呀~ 好彩個細路遇到你哋
回覆刪除[版主回覆12/19/2011 23:09:51]係呀唔係聽到佢嗌救命，唔知要再等幾耐先有人聽到！哈哈！
叻仔呀 ... 奶茶 !! ^3^ 今年年尾都比你攡多個彩呀 XDD 既然你o既體力咁勁, 就下次跟我行 " 針山 " 啦 Wakakaaa
回覆刪除[版主回覆12/19/2011 23:10:25]針山真係要考慮考慮！哈哈！
下, 奶茶你做左救人英雄囉??
回覆刪除咁個細路 d 朋友去晒邊? 冇人理佢既?
[版主回覆12/19/2011 23:11:33]有，差唔多報左警成半個鐘先有人黎搵人呀！
真勁，識救人ge狗，奶茶，你可以去應徵加入警隊，一定唔駛考試啫，重搶住要你添!~~~
回覆刪除[版主回覆12/19/2011 23:12:47]幾高人工先！哈哈！
我都係安守家中算啦！哈哈！
C傅仔,你加埋加埋好似行左一條萬里長城拱窩~
回覆刪除消防員行左50分鐘都算快窩~
好彩你地途經聽到,個小朋友真係好彩!
[版主回覆12/19/2011 23:15:19]因為果度差唔多近荃灣，50分鐘都算快！不過全部差唔多45度斜路，行到佢地C下C下！哈哈！
仲以為奶茶返到屋企會攰到暈，估唔到仲咁好精力，勁
回覆刪除[版主回覆12/21/2011 17:12:07]因為我瞓左幾粒鐘，所以米無問題！哈哈！
奶茶好彩有你地小朋友先無事咋.....真係好有意義...比十個叻你...^^
回覆刪除[版主回覆12/21/2011 17:13:11]只係咁啱路過聽到！所以我地覺得好有意義！哈哈！
黎緊冬同聖誕假好凍呀.. 行山或外出活動.注意保暖呀奶茶哥.
回覆刪除[版主回覆12/21/2011 17:14:03]已經準備就緒！希望唔好咁凍！哈哈！
奶茶, 一個字 "勁", 連茶爸行完都周身痛。奶茶 - 叻叻!!
回覆刪除[版主回覆12/21/2011 17:15:56]沿路我見到好多狗地，又D重細粒過我！哈哈！
嘩。。好彩你米聽到小朋友叫咋。。奶茶， 茶包真係冇得頂呀。。
回覆刪除[版主回覆12/21/2011 17:16:56]過獎啦！其實咁啱經過聽到遮！哈哈！
奶茶你救人一命, 勝過7級浮塗, 快D叫茶包整返個7層牛肉漢堡獎勵下你啦! BTW, 元荃古道D路真係行死人架!
回覆刪除[版主回覆12/21/2011 17:17:54]係荃灣段最辛苦，幾他大多數都係平路！哈哈！
蕃薯: 奶茶哥哥行晒成條元荃古道.......勁，上次我地由元荃古道行到深井，媽媽隻腳痛左幾日呀!
回覆刪除[版主回覆12/21/2011 17:19:03]無呀！行左半段，同你地一樣！不過相反方向行！哈哈！
我見到奶茶行果D路都好似好危險咁, 1個5小心都會好似個細路咁碌落山, 點解你地又可以咁放心既???
回覆刪除[版主回覆12/21/2011 17:23:46]其實我地行果D路唔危險，有路行，側邊唔會碌落去，如果危險，我肯佢都唔濟！個細路碌落山果度唔係路，係好危險，不過佢地玩越野追蹤，果D地方無路無人行！哈哈！
嘩..............真係金拜下風呀...............奶茶你好勁呀................哈哈..............行山者都唔夠你嚟呢~!!
回覆刪除[版主回覆12/27/2011 19:08:16]哈哈！都夠晒皮！一次夠啦！
元荃古道我都有行過,風景真係好正架! 奶茶真係好犀利 . http://blog.yahoo.com/_BYWJGWTYSMT5E2PFJCOGAMQ5KI/articles/35103/category/%E9%81%8A%E5%B1%B1%E7%8E%A9%E6%B0%B4
回覆刪除[版主回覆12/27/2011 19:09:11]係呀！風景好靚呀，不過真係斜左D!哈哈！
當日真係有Chinahealth定向團隊賽, 好彩有你地幫忙, 否則佢要等待賽後, 由工作人員四處搵返未回賽場中心的賽員.
回覆刪除[版主回覆12/27/2011 19:10:20]有呀！我地等左半個鐘先有工作人員落黎搵人呀！
嘩，行咁多路，番到屋企有無勀屎左? 個中學生好彩遇到你地先無事咋~
回覆刪除[版主回覆12/27/2011 19:11:01]個個都攰到飛起！哈哈！
奶茶哥,果然勵害行山之餘忡救埋人添. 好人好事要加埋你先得啦! 大家行山真係要小心,幾有經驗都有可能生意外. 奶茶哥不如你加入野外巡邏隊囉, 行得睇得又救得人. yeah yeah..
回覆刪除祝聖誕快樂.
[版主回覆12/27/2011 19:12:33]哈哈！巡邏隊好辛苦，唔啱我！
夠哂運動量
回覆刪除[版主回覆12/27/2011 19:13:38]真係幾夠運動量，夠晒皮。
奶茶，聖誕唔出blog,你亞爸偷懶定去左旅行，哈哈！聖誕快樂！
回覆刪除[版主回覆12/27/2011 19:14:53]兩樣都唔係，係要返工呀！鳴鳴！