年度約會

今日又訓到黃朝百晏，又同我講話約左人五點鐘，點知收到電話話約會延遲到七點！咁神秘帶我去邊！反正要等到成七點，不如早D落去行下好過！今次唔行海旁，我地去行藍巴勒海峽之中，出發啦！

首先進入時光隧道！

呢到真係幾好行，小人，可以放繩自由行！

行到PE樓下！PE你地好嗎！

係回程時，收到電話，約會提早！

係橋中間，唯有行番屋企樓下先打的！

下！原來又黎呢到！今日要打一年一度防疫針！同埋今日要黎覆診，我兩星期前，有一朝嘔到差唔多抖唔到氣，好難呼吸，成條同D牙肉矛晒血色，又無反應！嚇到阿四暈低咁滯，即刻同我人功呼吸，係我個鼻吹左幾野！拿拿臨飛奔去診所，一上的士，我已經無事，好彩張E生係到，唔洗我等，即刻叫我入去！講晒俾E生聽頭先發生咩事同上次照X光病歷！E生要我做超聲波檢查心臟同驗血！迷底終於解開點解我個心臟大左D，原來我二尖瓣分隔左心房同左心室有倒流現象，呢個情況有可能係發炎，有可能係天生，因為POODLE好多時有呢個先天性病！而我個情況加上驗血報告，呢個情況係正常，暫時唔算係心臟病！而頭先抖唔到氣係因為有痰頂住條氣管所以抖唔到氣！因為我嘔左一灘痰出黎！所以E生要我食抗生素，去痰丸同 Q10，Q 10 係一隻對心臟好好SUPPLEMENT！

好驚呀！擺我上！

檢查心臟，好清，無問題！不過要長期食Q10，預防勝於治療！

再同E生講，呢兩星期都嘔左幾次，每次都係轉天氣前一兩日，同幾個月之前一樣！E生檢查完，話我對天氣太敏感，有好多狗對天氣轉變，腸胃就會特別敏感！因為所有報告都好正常，唔會身體有咩問題！其實由細到大都係咁，但呢幾個月密左D！

重教穴位按摩點樣放鬆！

張E生同我講，話我由細睇到我大！我特別易緊張！緊張都會另到嘔其中一個原因！

終於到今日戲肉，就係打ANNUAL BOOSTER！

張E生真係超好超細心！不過我地一年一度約會好啦！下年打防疫針先再見！

呢幾個月，睇左好幾個E生，但講真，只有張E生最細心，從來唔會叫你驗呢樣，照果樣，買果樣！佢覺得要做先要做！又會同你詳細分析，講解俾你聽！真係多謝張E生，下年見！