魔鈴龍門郊遊徑

晨早留留魔鈴CALL，八點鐘就要爬起身，因為有人下午"戇CALL"，唯有張所有節目順推至早上，希望係下午前完成所有活動，咁就可以安心"戇CALL"，隨時返工！
次次去川龍都嘆茶，今日由於時間關係，飲茶呢PART可免則免！所以我地今次搭車直達龍門郊遊徑！龍門意思就係川龍同城門，記得上年都行過龍門郊遊徑，果次又熱又濕又焗，不過今日剛剛相反，又好天又唔熱又乾爽，正爆！

今次又係得我同ELMO兩位電芯少年做代表！

電芯少年勁過電波少年多多聲！

沿途都遇見好多行山人事，好鐘意係呢D地方行山遇見行山人，因為大家會SAY GOOD MORNING！感覺很好！

我地今次有備而戰，食定大量電芯打底，不停來來回回咁喪跑！

氣都唔洗喘！

有時又玩下釘鐺狗頭！

龍門郊遊徑風景都唔錯，沿途會過三條橋，如果你見唔到三條橋，即係話你行錯路！一號橋！

好快到二號之橋！

最後三號橋！

過晒三號橋無耐，係時候抖抖！我要飲水，快手D！

一轉大彎，整個荃灣望晒，今日好天，連青馬大橋都望到，可惜無影相！

重記得上年行到呢到，味處處，周圍黑蚊蚊，光禿禿，因為火燒山無耐！

不過一年後，絕處逢山，大自然生命力好強呀！

開始上山進入城門範圍啦！

去到十字路口，有兩條路落城門水塘，上次行果條全部落樓梯，今次一於行另一條！

行快D啦，呢條路真係無樓梯喎！

終於落到城門水塘啦！

唔話電芯少年你都唔信，兩個鐘，行左差唔多八KILO不特止，重有精力可以跑落山，問你怕末！

點解咁趕，因為我地約左乖乖食LUNCH！

當然我地都有份啦！紅蘿蔔鹿肉意粉！VERY GOOD！

雖然咁早起身，但睇返D相見到我全程笑晒口，幾辛苦都覺得值得！