樂在滘西灣

上個禮拜，打風又落雨，過左個悶爆奶茶一星期，淨係係屋企舉行個人奧運會！室內活動唔多我，始終室外活動我至LIKE！繼上次白腊之旅，心癢癢，香港原來有咁正沙灘，當然香港有好多正沙灘，但我可以去真係少之又少呢！所以好努力再尋找快樂地圖，終於到呢個新地方，滘西灣！求神拜佛今日一定要好天！噢，感謝呢，不知幾好天！我地約好係九點係西貢等！食埋個早餐，係碼頭搭十點船前往滘西洲漁排，唔好以為直接搭船去沙灘，首先要去漁排，然後駁大飛去沙灘！

嘩！勁呀，話晒第一次搭大飛！

PEE ELLIE你地大飛過末？

幾分鐘就到沙灘！

沙灘細細，不過就水清沙幼，好正呀！

雖然水清，可能打完大風，水面有些少樹葉桔枝，不過好乾淨！

每次見到大海，我一定諗都唔洗諗衝出去，錫啖大海先！

KAKA MOSES兩鬆D最愛跑沙灘！

芬達今日都有黎，佢都好LIKE游水呢！

藍天白雲，再加咁正海灘，日日黎都真係唔錯！

游水對身體同關節好，唔LIKE都要游多D！有益身心！

呢個灘有個碼頭仔，係俾大飛落腳！

參觀完碼頭，再去八另一邊，有個大瀑布！等我帶頭去探險先！

好勁呀！D水流落黎勁冰涼，好似雪水咁！

梗係要影返個大合照！

在返沙灘玩多陣先，同上次白腊一樣，越晏越多人，越黎越多遊艇到！

我地把握時間，玩多陣！

大飛準時黎帶我帶返漁排！

上到漁排，大家沖沖身，再歎返個正斗午餐先！係船排搖下搖下咁食，別有一番風味！

食飽飽，重有時間，係漁排HEA返陣！

呢個漁排上有人釣魚，有人BB蕉，重有人打麻雀！

差唔多玩到兩點，有船啦，食多幾啖雪條好！