西貢上窰火滾老點之旅

終於等到太陽伯伯，滿以為歡樂之旅可以順利舉行，由辦代表FIT，話去一過大家都末去過地方，上窰郊遊徑，由上窰行去西霸！話明兩粒星，應該都好"伊匙"！沿途重話風景好靚，大家聽到末出發，先興奮！如果要去上窰郊遊徑，首先要從北潭涌自然教育徑出發！YEAH！

今日失蹤人仕太陽伯伯返工，吸引一車又一車旅行團！

人龍不絕，唯有一齊行！

第一個碼頭仔！

好快到左上窰民俗文物館！快影，太多人啦！

過左呢到，問題就出現，辦代表CHECK D唔CHECK D，得兩條路，一條去起子灣，一條去上窰家樂徑，但我地行郊遊徑唔係家樂徑，記憶之中家樂徑係出返北潭涌！唯有問問行山人仕，起子灣方向係米去西霸，對方又話正確！咁我地向起子灣方向出發！

過左起子灣，原來係另一個碼頭！

可惜原來係盡頭！唯有出返起子灣，見有山路，應該係呢條路！

越行越唔對路，郊遊徑應該唔係咁，好似入左森林咁！

沿途再問問其他人仕，個個都話無錯，條路係去西霸！

咁係進退兩難局面，唯有繼續行！不過條路根本狗地行唔到，好窄同全部樹林！唯有佢地抱我地，一人抱一個！相都無可能影！終於有個地方可以抖抖！兩星，係挑拿星至真！越行越火滾！個個都差唔多仆親，辦代表隻腳流晒血損晒！

終於見到西霸，亦有行山專家同我地講我地行錯路！

經過一粒鐘終於行出森林！見返我地可以行路！

上埋條樓梯，就駁返我地原來想行果條郊遊徑！

呢D先似郊遊徑嘛！果D呀叔亂咁老點！其實應該行家樂徑，再接駁郊遊徑！真係火都黎！

幾經辛苦終於到左西霸！

呢次係咁多次行山最唔開心最憤怒一次，發生左好多不愉快事件，辦代表對所有團友致歉，亦唔希望再發生！