我想學講人類話

為左避免有"滅屎琴藐呢K唇"，我好想學識人類話，英門又好，煲東瓜又好，講冬話又好，重之溝通到就好啦！如果我識人類話，我會………(開始幻想ING……)
 

為左避免有"滅屎琴藐呢K唇"，我好想學識人類話，英門又好，煲東瓜又好，講冬話又好，重之溝通到就好啦！如果我識人類話，我會………(開始幻想ING……)

每朝起身，我會同你講…早晨？發夢都無咁早，我應該會同你講，快D俾早餐我！
食飽飽，我會去所！我應該會同你講，快D幫我執乾淨呀！
當你出黎後！我應該會同你講，快D俾小食我！
一見你換衫返工！我應該會同你講，又返工，日日都返工，有無搞鬼錯！
差唔多出門口！我應該會同你講，準備下午茶末呀，唔好唔記得呀！重有放工唔好去街，我知你幾時返，唔好以為我唔識睇鐘呀！
臨走前開收音機，我應該會同你講，唔好轉台，我淨係聽903，嘈D搞笑D，無咁悶！

當你返黎，你唔好以為我同你講WELCOME BACK，我應該會同你講，有無搞錯，返咁耐工，悶左我成日啦！
當你食緊晚飯，我應該會同你講，點解我地唔係一齊食，次次都係你食先，唔該你食快手少少！
當你為我準備晚餐，我應該會同你講，今晚食嘜，唔好同我講齋得狗糧！
原來真係得狗糧，我一路食個心應該會同你講，離晒大譜，簡直超錯！
當你睇緊電視，我應該會同你講，幾點做完，有嘜好睇呀！快D落街好過啦！
電視做完後，我應該會同你講，終於捨得行啦！行還行唔好同我SHORT CUT呀，等左你成晚啦！
行完街，見你毛巾，我應該會同你講，又抹，抹嘜鬼，我至憎抹手腳，等我用口LAMB一LAMB米得囉！
見到你住把梳，我應該會同你講，梳你自已個頭啦，我最憎呢把野！
晚間新聞後重望住電腦，我應該會同你講，幾多點呀！呀生！我睡魔急CALL呀！

訓到黃朝百晏，我應該會同你講，嘩！放假喎，今日帶我去邊樹玩咁呢！
如果你同我講落"些粉"買D野，我應該會同你講，吹波啦你，又講大話，鬼唔知你自已去街咩！一邊喊一邊講，我等左成個禮拜，你無良心呀！

我實在太多太多野講啦！所以佢話好彩我唔識講人類話！
不過如果我識講人類話，有一樣野，我唔想學講粗口，唔係扮斯文，係因為以上所有說話都應該加上適當助語詞，我唔想變得粗口爛舌，所以唯有唔學！哈哈！




突然有把聲音：喂！唔好發夢啦！