情人節暢遊烏蛟騰三椏村

休息左兩日，難得今日放假，話時話，好耐無出去放電，襯新精頭，一於出去行個大運，就不如去路程長一D，行得C服又有得食嘅烏蛟騰三椏村！每年都要行一次，因為呢個地方真係又好行又正！不過我地訓到好晏，成十一點鐘先到達烏蛟騰！心諗米要成一點鐘先到三椏村！
今日天色重要麻麻地，重有D凍，唔通冬天回歸！見到三椏村路牌啦！

已經係第三次行！

行行下見到一班鄉理，佢地都係打算入三椏！不過佢地HEA行，咁我行先啦！

好快就黎到分叉路口，上路同下路，其實終點都係三椏村，一如以往，我地選擇行上路，風景正好多！

選擇上路，頭段要上樓梯！不過唔算多樓梯！衝呀！

衝完一段樓梯，就係一條風景好靚山路！

頭先先話冬天，突然又變左春天，濕度上升，重好似毛毛雨咁！

過埋呢個森林，應該好快到！

後面就係印洲塘，不個D草長高晒，睇唔到，次次都有係呢到影相！

咁即係落埋呢段斜路，就會到三椏村啦！

我都話到架啦！入村啦！原本打算用兩個鐘入到黎，估唔到用左一個鐘就入到黎！

不過今次矛打算係呢到食飯！

我地向荔枝窩方向進發，因為見到花菲洛介紹嘅合益蜂場，每次睇每次都巧想食，今日一於入去試試！不過好可惜，由於前幾日假期，好好生意，無雞無鴨叫，無雞粥，無魚！咁就由老闆幫手發板！
叉燒炒米！

清蒸生蠔，重要係印洲塘天然野生，第一次試食連殼蒸，好味到不不不得了！六十五蚊十隻！正爆！

再黎一客白勺鮮魷，巧新鮮呢！

呢到食野巧有FEEL呢！

食飽飽走啦！

唔好意思，我要去洗手間，你地係出面等我呀！

行返出去，四圍都係草！

今日唔去碼頭，直接經三椏涌出烏蛟騰！

轉過灣就到印洲塘海岸地質公園！呢到D路全部都係紅色嘅岩石！

係米好正呢，快D影下相先得！

係呢到影相，點解，呢到米上次MOSES著左UGG嘅事發地點！

行到呢到，終於遇返班同鄉，不過我地已經食飽飽返出去啦，而佢地重末行到入去！

頭先明明春天，而家已經係夏天，不過下路多樹蔭！

每次行到呢個石澗，都要休息下！今次都唔例外！

呢條木板橋上次行都無！

終於到達終點，官方寫一個鐘九個字，我地只係用左一個鐘頭三個字行晒！今日都算幾順利，但經歷左冬天春天同夏天三季！哈哈！