當奶茶進住我家，上網有關尋找養狗，貴婦狗的資料，可以是每天必做的事！從那天起，才知道有BLOG的存在，記得BLOG末出現前，以經有好多人有為自已所愛而創作的HOMEPAGE，到之後GEOCITIES！但我自已從沒有丁點意慾去有一個類似的東西！
直到奶茶出現後，每天瀏覽別人的BLOG，是我每天必做的事！心想我應該為奶茶開一個BLOG嗎！但連基本中文輸入法也不懂，怎辦，沒有好質素的照片怎辦！連怎樣開始一個BLOG都不懂，怎辦！一大堆的借口，令我一推再推，唯有安守本份，欣賞別人的BLOG，算罷！
一直想開通BLOG，直至到零九年的某一天，沒有心理準備下，為奶茶開通了一個屬於奶茶的BLOG！從那天開始，我開始學習中文輸入法！原來當我發覺中文輸入法難不到我的時候，更困難的事，原來正正的在等候著我！我中文程度很差英文也很差，語文能力何其差！讀書時，作文是令我最頭痛之首，每個星期的週記更是我最討厭的功課，每個假期後的閱讀報告，只有抄序及後記兩部份，會考時的中文作文，只有僥幸的緊緊合格而以！突然之間，要我用中文寫BLOG，好像向自已的難道挑戰！
當開始寫BLOG後，得到的俾想像的還要多！感恩的，在這個BLOG裡認識很多我從沒有想過的朋友！遇上很多從沒想過發生的回憶！做過很多從沒有預料的事！但確切的一樣，這裡記載著所有有關奶茶的大小事，全部都是真貴而恆久的回憶！對你末必重要，但對我點滴在心頭！每次翻閱舊網誌，都有一份歷久嘗新感受！
人大了，回顧過去，這個BLOG是我唯一有恆心做的事！坦白的，曾經想過放棄，不過當每次細味，"繼續努力"這四個字會在我腦海不停鞭策！真的希望繼續努力去為奶茶記下他生活中大大小小，點點滴滴的所有事！當初的怎辦變成怎樣辦的更好！
但願這個BLOG不會像曾經潮流中興起過熱鬧過的HOMEPAGE 、GEOCITIES一樣，消失在實體與記憶之中！真的不希望YAHOO BLOG有消失的一天！對你可能是潮流，對我希望成為細水長流！
正好，這篇網誌剛好為本BLOG的第五百篇！裡面所有記載都是真實的心跳回憶，我可以為奶茶做的事可以很多，但我更希望為他記低生命中的每個節拍！就算當有一天沒有觀眾，我肯定的，我還是這個BLOG的忠實讀者！全因為,我手寫我心！
我與奶茶同行不定期更新！
我每次睇奶茶BLOG，總有D得益(行山路缐介紹，生活小百科，奶茶雞湯)，睇奶茶BLOG已成為我的小習慣，茶包你要keep住努力寫，唔好偷懶，因為奶茶有好多粉絲支持，我也是其中一位
回覆刪除[版主回覆02/05/2013 20:16:17]果D介紹你都信，小心俾人呃！
多謝你嘅支持，你都要努力！
唔可以日日見到奶茶真身，未能常常伴在他身旁，但Le個blog可以令我知道他的一舉一動，見到佢可愛的笑臉，還有了解我不可能參與的過去，所以你一定要勤力D寫寫寫，寫多D呀！因為你寫的每一個字唔單止為奶茶、你自己亦都為廣大fans留下美好回憶，提供好多嘅娛樂架！恭喜你成功完成第一個500篇，下一個500篇相信唔使等4年喇
回覆刪除[版主回覆02/05/2013 20:18:13]4年寫500篇對我黎講，已經好勤力好勁！真係巧佩服你可以寫咁多，不過會繼續努力！
呢隻奶茶，真係令你改變咗好多，係好事o黎的
回覆刪除[版主回覆02/05/2013 20:19:37]都算唔錯嘅改變！
你要繼續努力呀！因為有奶茶，你活得豐富，因為有奶茶，你活得開樂，亦因為奶茶，我才天天去yahoo blog，加油
回覆刪除[版主回覆02/05/2013 20:20:34]你都要努力記低woody嘅成長日誌！
雖然彼此沒有留言, 但其實早於你開blog 嘅時侯已互有探訪....不經不覺4年了,, 早排寫blog 經常load 相出現問題,, 確實有絲毫想放棄.. 當望見唔識講人話嘅佢地.. 立刻提起精神.. 唔可以氣餒, 毛小孩陪伴我地嘅幸福快樂擔憂, 正正就是每一個用錢都買唔到嘅回憶....繼續努力, 互相鼓勵!!
回覆刪除[版主回覆02/05/2013 20:22:21]係呀，好耐之前我都有拜訪你個blog!
呢D無價寶，大家都要努力記低！
500篇, 我都係因為想記錄小花與妹妹之間點滴寫呀~ 大家加油呀~
回覆刪除[版主回覆02/05/2013 20:23:08]係呀！大家出發點都一樣，努力努力！
努力! 支持! 十卜! 加油! 見証第600篇, 700篇, 800篇........無數無數篇嘅奶茶 blog!
回覆刪除[版主回覆02/05/2013 20:23:59]會努力努力，記住睇呀！多謝支持！
你d文筆貢好, 都叫唔好, 即係我唔好寫卜, 淨係出相啦
回覆刪除不過真係估唔到寫卜除左可以交流狗經之外, 仲可以識到好多朋友仔, 呢d真係估唔到ka, 你繼續 keep 住寫, 好快有人搵你出書 ka la
我要排第二個簽名.. 同打手印
[版主回覆02/05/2013 20:25:14]簽名，係米玩野先！
你都努力努力！
著得衫多，會唔會D毛會無禁靚呀？
回覆刪除[版主回覆02/05/2013 20:27:42]係冬天先著衫，當然唔可以長期著住，只要日曰梳毛，食得有益，咁D毛就無問題！
你的經驗也是我的經驗，我也是從睇人的blog而想為毛之家寫blog的，你比我努力很多，我要努力學習
回覆刪除[版主回覆02/05/2013 20:28:24]我都叫努力，哈哈！
重之大家加油！
千萬不能停止呀,如果唔係好多忠實讀者會好失望架,當然包括我
回覆刪除等待第501編至第N編
[版主回覆02/05/2013 20:29:42]你都停左好耐，係時候整理一下，努力係芬達個blog重新出發，加油，十卜！
我都是偶然下進入，漸漸我就對奶茶產生好感
回覆刪除[版主回覆02/05/2013 20:30:29]希望能帶比你快樂，也多謝你嘅支持！
你為咗寫呢個blog真係好努力
回覆刪除[版主回覆02/05/2013 20:31:44]係呀真係要bilibala,問題天天都多！
努力加油大家繼續寫落去！
永遠支持奶茶Blog！
回覆刪除[版主回覆02/05/2013 20:32:10]多謝你嘅支持！
加油呀！雖然可以係飛s look 見到你，但依然都係好鐘意睇你寫既每一篇呀!!!!
回覆刪除