見到鶴藪有條家樂徑，一於就行呢條家樂徑啦！其實香港一共有十二條家樂徑，數數手指我已經去左五個，話明家樂徑，梗係適合一家大細去玩！
不過今次又係"魔玲"Call，八點起身，九點出發，想早去早回！
半個鐘已經到左鶴藪，呢個營地地標，你地認住佢啦！好多人話我靚仔，不停俾途人影影影！
上山啦！一段石屎路，上呀！
春天，花開了！
今日可能係假日，好多人呀！途人又話，嘩，狗都行山！我心想，我又唔係傢私，唔係靜係擺放係屋企！哈哈！
噢到左家樂徑入口！其實入口左右都得，因為框走一圈！不過左邊係大霸入，右邊係天梯六十八，因為有68級好斜樓梯！
當然取易不取難，向大霸衝呀！
沿路好多燒烤場！
開始進入家樂徑！條路好多石鋪成，所以呢條路又稱為鳳馬古道！
好似進入森林咁，有風有樹蔭！正呀！
呢個松樹林好壯觀！
片片黃葉！
沿途小橋流水，條橋有名堂，叫做珠坑橋！
過左珠坑，就見到呢個小瀑布！
行到呢個十字路口，右邊出返去入口處，左邊寫住沙螺洞，個牌寫住十五分鐘，來回都係半粒鐘，究竟點好呢！
待續……
入得呢.. 又貢早，應該行埋上去八仙嶺嘛
回覆刪除[版主回覆04/01/2012 23:38:12]見到八仙嶺路牌，都有衝動嘅一刻！哈哈！
有山有水, 滿地黃葉, 真係好靚喎, 親仲有風, 未30度, 都要去行吓先 ^ ^ 呢個簡直係導遊blog 呀 thank you hahaha
回覆刪除[版主回覆04/01/2012 23:39:09]夏天末黎，都係一個唔錯嘅選擇呢！哈哈！
Wow越嚟越早真係去行晨運wor！不過Le度都幾nice
回覆刪除[版主回覆04/01/2012 23:40:32]早去早回，沖完涼剪埋毛，時間好好用！
呢到真係唔錯架，值得推介！
睇到你個樣都覺精神爽利呢~ 我哋行山都成日撞到啲口痕友... 好似未見過狗行山咁
回覆刪除[版主回覆04/02/2012 13:39:44]有得玩，精神超級爽利！
都好多口痕友架！
有左 MT 號, 真係去邊都快令正 ^^
回覆刪除[版主回覆04/02/2012 13:40:15]係呀！方便好多！
我在另一個 blog, 見到奶茶個頭呀
回覆刪除[版主回覆04/02/2012 13:41:05]邊個blog呀！我想睇下!哈哈！
我上次同你行相反, 個幾十級樓梯好碎咋嘛, 你得ge
回覆刪除[版主回覆04/02/2012 14:04:05]見到大部份人都係從天梯68出發，但我地太懶了，唔想一開始就爬天梯！哈哈！
我哋早兩個禮拜先行過 , 同你咁話啦 , 係人都講D狗狗行山咩 ?????
回覆刪除我就回應佢哋 - 你唔知狗狗唔係少野架 , 閒閒哋都行到有 3 - 4粒鐘 .
[版主回覆04/02/2012 23:09:52]哈哈！佢地以為狗地靜係係屋企看門口！
奶茶，你去過好多香港”人”都無去過ge地方
回覆刪除[版主回覆04/02/2012 23:12:08]原來香港咁細，都有好多地方可以去！
話時話，澳門有無呢D郊區地方玩，同埋可以有山行？
呢到上年DR同毛姐一齊行過呀, 真係唔錯既地方呀.
回覆刪除[版主回覆04/04/2012 21:21:12]係呀！估佢唔到，呢到好OK，值得推介！