日落欣澳

等左咁多日，終於等到阿四返黎，不過返到黎倒頭大睡，唔通又無街去！不過惶天不負有心狗，到左四點幾，終於出發！今次呢個地方，係佢每次返工必經之路，自從新機場搬左之後，十四年了，每次經過呢繼路，見到個風景好正，但又好少人！唔知係果條海邊路行，會有咩感覺！唔洗估啦，一於去行下米知！

一去到，有風又唔曬，"膠鮮"得我痾開心屎不特止，重要黎過"露華濃"！

阿PEE同珮珮超級俾"飛屎"，本來行緊城門水塘，一吹雞，即刻陪我去，一日踩兩場，勁！

可能今日星期天，有好多人踩單車，你有你踩，我有我地行！

成條路都沿海邊行，又係石屎路！

行下行下，D火車就轟轟聲經過，佢就係搭呢D火車望出黎，覺得環境超正！

不過都唔夠珮珮勁，唔止追雀仔追馬騮，居然連火車都追！

行到黎呢到，本來可以再行前，不過我地諗住留返下次行！

太陽落山啦，黃金狗狗大合照！

不過突然落大粒過雲雨，好彩我地矛越行越遠！

咁又HEA左個幾鐘！

雨時落時停，以為返屋企，不過咁難得入到黎，一於去埋滴滴湖！

雖然唔入得，係門口影幾張相都好！