大多數人都認為狗係人類最好朋友，但原來不知不覺中狗亦擔當不少工作！例如有警犬，消防犬，緝私犬，導盲犬！有工作在身稱呼為犬，無工作在身就叫做狗！你應該末聽過警狗，消防狗之類稱號！所以稱為犬好像威風一點！
記得上年行到得返半條命中途站半山涼亭，今日打個乞痴就到啦！
重記得一年前，第一次行山去媽媽島，一年後為慶祝LT生日，我又提議去媽媽島！今日我地就拉大隊去反轉媽媽島！不過今日都發生左件幾驚險事，我地約好搭十一點五十分船係碼頭等，已經預早出發，可惜大塞車，左DAU右DAU，諗住趕唔到！係十一點四十九分三十秒終於到達碼頭，連人帶跑咁飛入碼頭，好彩閂閘一刻趕到，如果唔係就閉家伙，BIG 鑊！
LT生日，個個俾足"飛屎"，人才鼎盛，有舊老友，又有新朋友！重有好耐矛見芬達！
離開山村，到達海邊，又係快拍時間，不過有陀地狗監視我地，可能嬲我地唔幫佢影相！
天陰陰，懞查查！個天發左霉咁，難得放假，唔好話我聽又矛得出去玩！幾星期矛去玩，好彩矛落雨，拿拿臨急CALL PE2 一家去邊好！一於黎過坪洲遊，上次去東坪洲，今次少左個東字！
我地貢貢聲去左港外線碼頭！好彩趕得切坐快船！唔洗二十分鐘，我地就踏上坪洲呢片可愛土地！
今日無端端著衫，去邊！原來又有禮物收，我地又去飯堂！因為去果度接收愛心速遞，我諗唔洗講，你地都估到邊個送黎愛心速遞！
識我人都知道我有幾憎梳毛，每次見到把梳都想咬爆佢，每次梳毛同打仗矛分別！我一見到把梳就E起把牙，連剪毛阿姐都驚驚，不過我又唔會咬人，只會咬梳！相信同童年陰影有關！你知啦有D人唔識梳，格硬"監粗LEE牙"咁不停拉扯！叫到呱呱叫重要唔俾郁繼續扯，你話又幾討厭梳毛！特別係一對手，不過我有我討厭，佢有佢ENJOY！
INTERNET呢幾日食左豬油，慢到不得了，襯今日正常返，快D UPDATE返個"扑"！剛剛過左禮拜六同禮拜日，因為矛假放所以又無得出去遠地方玩，星期六又係悶爆，都係係屋企附近行下！不過都幾熱，所以行左一陣就返屋企！
呢棵入門口大樹話晒都係彭福地標，但係一次都末係到影過相，襯今日無人，等我係到打打咭先！
上過禮拜矛去玩，襯今日放假，一於帶我去玩下，不過天陰陰，諗黎諗去，都係彭福好，但經過兩次摸門釘經驗！都驚驚地又再次摸門釘，不過去左先算！如果矛開，先再諗諗去邊！
好彩，今日唔洗掃興，彭福到大門為我打開！天氣凍凍地都幾好！
今日星期日，由於有人要隨時返工，所以唔可以去遠地方玩！再加上天陰陰同埋今日係特別日子，所以可以去玩地方唔多！今日係咩日子，今日係驚蟄，除左係打小人拜白虎之外，其實驚蟄意思即係話所有蛇蟲鼠蟻今日開始會出黎活動！所以今日草地就一定NO WAY！藉口一蘿蘿！最後米又係落街行下！
呢排唔知搞嘜鬼，一時同我玩波，一時掉公仔！今日重搞笑，話要考考我記性，睇我有矛老人痴呆！記得細細個返屋企，日日都係玩呢D把戲，每幾日教一樣！重覆又重覆！
荃灣區出現網球低手！超愛網球，但唔洗用網球拍，唔洗用手！只係出口，呢位網球低手，君子一名是也，因為動口不動手！本人正正就是荃灣費達拿！
