雖然我無份參加聖誕PARTY，但又未至於變左孤獨老人！平安夜，我都有所謂聖誕大餐，為何所謂，只不過係三文魚，南瓜，甘筍之麻！孤寒到屎…之後米折禮物……
你收到聖誕禮物未呀？未，咁我送我份禮物過你，每年都係呢份聖誕禮物，我致討厭呢份聖誕禮物，今年重要打孖上，你話呀，係米火都黎呀！
究竟什麼聖誕禮物另到我奶茶咁嬲，米就係佢所講身體健康，打五合一防疫針，今年三歲多D整多枝RABIES(瘋狗症)，真係OH MY GOD呀！
我唔係好喜歡呢個地方，特別係係呢到切我蛋蛋之後，最好以後都唔好黎！每次黎到，我都好想九秒九盡快離開！你睇下我苦瓜乾個樣就知啦！
上天賜給我一雙眼睛，叫我用來看清楚世界！所以我好真惜每次出街，利用我40厘米的眼睛，去記低每個情景，去記錄每一個片段！究竟我眼中的世界，同你看的，是否一樣？
當我抬起頭，雖然我沒有姚明的身高，但我看見的，是一片藍天白雲！
傳說中，有個天堂，有大大草地，有花，有樹，有雀仔，有小橋流水，有好多笑聲，有好多狗仔無憂無慮，自由自在地奔跑！沒有歧視眼光！沒有煩惱！邊度咁筍！米就係彭福公園囉！話來失禮，我咁大個仔都係第一次踏進呢個真正狗公園！
好彩有人就黎放完大假可以帶我"向彭福出發"！如果好似我咁米好囉！日日都放大假，哈哈！
陌生地方，我一定"拗底"！放心，俾我熱完身，我會百份百投入！
每天當我聽見鬧鐘叫！我知道有早餐食，我會笑，你也會笑！
每次我去完大小便，我會跑到廚房，等獎勵小食，我會笑，你也會笑！
每天我望著門口等你回家，當門匙發出聲音，我的尾巴好像上了摩打一樣，無論你有幾，工作上有幾多不滿，我會笑，你也會笑！
特別新聞報導，天氣開始轉冷，市區氣溫會降至十二度，新界氣溫會低兩至三度，我奶茶係到提醒大家無論大朋友又好，小朋友又好，都要做好禦寒措施！
星期日，有太陽，早起身，簡直符合晒出街去玩o既三個最低要求！再加上名希同朗言o既邀請，好，一於向郊外出發！經過上次錦田摸門釘，大家心裡非常唔服"燒賣"！咁就決定再戰錦田俱樂部！
最近添置左D新衫，好，襯今日外遊，就扮下形仔俾我D朋友仔睇下先！呢條頸巾係我偶像"肥寶王子"到見過，我身位FANS梗係要買番條形仔下先啦！佢地個個都話巧巧睇，咁你地話呢？
又到聖誕，又到聖誕，上個聖誕無今年咁嘆.................(呢一首歌，識唱o既可以一齊唱！)
踏入十二月，梗係普天同慶賀聖誕啦！我奶茶係到祝各位大朋友，小朋友Merry Christmas!希望各位有一個非常愉快，非常溫暖o既聖誕節！
好野！我見到廳到有一個大o既購物袋，裡面有檸檬茶，菜心，有幾他野……重有一罐唔知嘜東東o既野，不過我見過好多次！好似好好味咁喎，喂喂，係米買俾我食？喂喂，係米買俾我？點解無人應我！原來洗緊碗，唔答我，即話俾我食啦！正！
等我自已慢慢搣，慢慢歎為先，JAGABEE，咩料呀？好易開遮…
