時間真係過得好快，五年前今天，好似發生係禽日一樣！五年前今天，千挑萬選下，有幸被選為當初做二打六，咖喱啡！一D被投閒棄置小角式！真係萬萬估不到今日有幸成為大主角，係你心中成為當紅小生！托賴托賴！由最初希望我陪你，到成為今天你陪我！過程十分奧妙，過程非常精彩，過程非常享受！
十月之星DR.B 生日吹雞攪個行山樂，我衣個熱愛行山既野孩子，緊係第一時間叫人幫我報名啦! 乜話? 有人話要返工唔得閒, "NO PROBLEM!" 小欖我好熟，你幫我CALL 定車同比定錢我， 我自己入去就得，放心！
約左2點係小欖等， 好! 數數手， 齊人出發! 高!高!高!
米住先，我地要行得有隊形D! 經過大會商量後， 我地以2， 2，3，3 咁行上山
打頭陣就係我同鬆D乖乖
每年蝦佬喂都係我一個特別日子，因為我係蝦佬喂果日踏足呢個家！所以特別有紀念價值，而我呢位節日先生，梗係要同大家分享呢個蝦佬喂！巫婆你就見得多，巫公公你又見過末！著住巫公公斗逢，問你驚唔驚！
食飽後，梗係要影下個餐廳VIEW，食都食得特別醒神！一場黎到咁靚沙灘，唔跑多陣，點對得住自已！我重有衝動想衝落水！
ME遊大浪西，當然我有份去啦！M係我MILKTEA，而E就係ELMO同ELLIE兩兄妹！我地今朝晨咁早就已經出發，八點半集合，再搭兩程車就去到西灣亭！有人話佢後生時成日都去大浪西露營，不過廿年無去過，唔知而家變成點，變成點，等ME帶你去行下，米知變成點！
終於山長水又遠到左西灣亭！出發啦！帶晒太陽帽！
無啦啦話要改變我飲食習慣，但又唔同我商量！搞到我一時唔知點好，明明朝早八點半，夜晚都係你食飽到我！點解今晚你都末食就同我開飯，莫非我升左呢，做左大佬要食先！一飯碗，當堂醒目晒，坐定定！
首先多謝各位關心，上個禮拜一睇完E生，就開始要食藥，之後禮拜二三四都無再嘔，但點知禮拜五早上又再嘔過，明明食緊藥都重有嘔！即刻打去診所問過明白，得到答案係正常要再觀察！神經緊張佢又點會輕鬆面對！一個月嘔左七次！不停與身邊人討論，為左得到安心，決定尋求第二個尊業答案！
打去港島區出名何E生，耐何拒絕接收新症！再想想九龍區有邊位E生，諗起麥E生，又再想起佢好似有個舊同事係呢度做，於是左搭右，到呢位舊同事電話！可惜打盡人情牌都唔可以睇麥E生，不過同事介紹另一位E生，重幫我BOOK到個時間，其實都FULLY BOOK！反正都係多個尊業意見！
哈哈！睇到標題見到呢個N次方，大家已經諗到我黎過呢到N咁多次，不過每次黎都超開心，原因簡單，一來近屋企，二來容易行，唔怕盪失路，三來百去不厭！今日我就約埋"鬆D"乖乖一齊去青衣山頭喪跑！我地約左十一點出發！
黎過咁多次，我瞌埋眼都識行！
呢篇係第三百篇網誌，諗住有D嘜開心事想同大家分享，原來係睇E生！因為我嘔了，唔係悶到嘔，笑到嘔，係真真正正咁嘔！其實一直以黎，我間唔屎都有嘔！都唔係咩特別事，通常都係訓到臨天光先至黎嘔！但係最近嘔得密左，重要一連三日，七點鐘，眼屎都末乾就嘔，唔係辦法！一定要去睇睇發生咩事先得！
食完個LUNCH再黎個小睡片刻，米玩啦！遮係邊度都唔洗旨意去！五點鐘先出門口，肯定都係樓下逛逛敷衍我算數！平時出門轉右，今次轉左，轉左通常去搭車，發達了，今次坐車去邊樹！點知越行越唔對勁，原來今次要去藍巴勒海峽之中！果個海黎，唔通要去游渡海泳！
唔洗游，行走得，貫穿藍巴勒海峽米就係條青衣大橋！呢條樓梯直上，就係大橋入口！出發！
難得今日大家放假，當然諗諗有咩地方去，尋日先剪完髮，D輕CAN地方去玩下都好！小花EE提議不如入大尾督，今日唔係假期，應該無嘜單車黨，如果假日想行，簡直有點妙想天開！好！一於襯今日閒日，就去新地方打咭！
我地十一點幾到左，真係無嘜人！GOOD！影下相就開始出發！
我隻眼俾D毛遮到睇唔到野，差D撞穿頭啦！老細係時候帶我去剪髮好播，唔係去你果間山寨M DOG！原本諗住星期四去剪，可惜"LI漢煎"姐姐要放假，得今日有時間，左踱右踱，好啦，一於今日去執返劑啦！唔蝕佢，難得去剪髮，梗係出去大玩，反正唔洗沖涼！不過得我地兩丁友仔，去邊樹玩好！米就係去彭福公園，可能今日假期關係，超多人呢！
收信啦！終於收到啦！今次係我第二次收信，抬頭寫我個大名，超開心！快D幫我打開，原來呢份" LI污"有明堂，叫做愛與關懷！超感激送上愛與關懷俾我呢！
作為荃灣區子民，荃灣原來有法定古蹟加博物館，唔係唔去呀！其實呢個三棟屋，聽就聽左好耐，經過又N咁多次，不過就真係末去過！有人下晝要返工，所以老遠地方又去唔到，諗黎諗去有邊到近近地，而又末去過！最緊要可以食過"LUNCH"而又歡迎我地方！終於諗到三棟屋對面果D茶餐廳！
