芬達@MILKOTEL DAY 3青衣南北海皮

今日真係俾個天玩屎，時晴時陰時雨！晏晝三點幾，見個地下乾晒，又開始有太陽，拿拿臨出發，近近地去青衣，典知一出門口又落雨，既然出左門，一於照去，去到青衣自然教育徑，果度好大霧，個地又濕，一於走人！再去青衣南橋果邊海皮行下！

芬達@MILKOTEL DAY2 SUNNY BAY

今日我地訓到黃朝百晏，成十二點先起身，先黎個早餐，唔係係LUNCH先，食飽飽係屋企HEA，芬達難得黎住，典會無街去呀！等到三點半出發啦！今次又係去欣澳SUNNY BAY，耐何係沒有SUNNY 的SUNNY BAY！不過陰天下，特別涼快！今次我地車直入去裡面，勁！泊好車，出發啦！今日好多朋友呢！有乖乖，卡卡MOSES兩兄弟，毛毛同佢兩個FRIEND！

MILKOTEL再次投入服務的第一天

MILKOTEL  休業一年，今晚又再次投入服務，芬達今晚又開始展開MILKOTEL生活！黎呢度住係免費！唔洗買野黎咁客氣，重要打孖上，典好意思！

守門員

日日都做守門員，你返工幫你做好守住大門外，放工都要守，不過今次守係龍門！
呢個守門員，眼睛要凌勵，手腳要敏捷，耳朵要銳利，頭腦要清醒！唔信你睇睇，稍一不慎就俾敵人攻擊我方！

消耗大量體力，係時候保充體力！

MY扑三歲鳥

奶茶扑三歲了，祝你生日快樂！永遠幸福快樂！永遠笑口常開！
打從二00九年四月廿三號寫第一篇扑，唔經唔覺到左今日已經三年！盡量張所有事都一一記低！呢個完全屬於我小天地，希望它充滿住快樂！記錄住所有真實而又快樂回憶！

經過YAHOO改版，經過無數風雨，但到而家，重保持住果份恆心，值得鼓勵，希望一值堅持落去！一直都感恩有呢個扑存在，可以令我識到一班好朋友，雖然有D成日見，有D末見過而又默默留言支持朋友！令我生活多采多姿！衷心感激你們！

希望奶茶扑可以成為一個ICON，一個一見到一聽到就會聯想到"快樂"ICON！正如我呢個扑理念一樣，我快樂！希望你們每位到訪的也會快樂！如果因為睇到我個扑而令你感覺到快樂，呢個就係我最想得到野！朋友們，你快樂嗎！

過去一年，好慶幸，有機會四次入選人氣精選，可以接觸更多朋友，分享更多快樂！讓"快樂"ICON繼續傳播開去！感激！

上山下海大浪西

襯夏天末真正黎到之前，不如去多轉海天一色，世外桃源，上次去完話一定要返抄地方，大浪西灣！記得上一次去係十月，相隔半年一於再去！
十點幾已經到左西灣亭，今日都好多朋友仔出席！

我家的阿LIN

阿LIN係嘜水，無奶油唔知，繼阿YAO(搖名)之後，熱爆NBA阿LIN，應該係人都識！我米就係果個扭躍離黑隊17號仔阿LIN林奶毫！
唔著返件戰衣又點有代表性！

現代E學美容

咁趕時間去邊，梗係有下場！為左唔洗做剩男，提升戰鬥能力，一於參加現代E學美容，瘦身療程，以一身最佳狀態迎接呢個夏天！

我去左澳門

今日失驚無神話帶我去澳門，下，我無"爬是卜"點去，不過唔理三七二十一，一於抆衫尾照跟，可以探探毛之家，嘜過大海唔係搭船，而係坐車，"講豬噢"大橋都末起好！唔通要游水！
越行越遠，到落車時，原來去大澳門，而唔係澳門，搞到我一頭霧水！
實情呢到叫大坳門，不過D人成日叫大澳門！哈哈！

日落欣澳

等左咁多日，終於等到阿四返黎，不過返到黎倒頭大睡，唔通又無街去！不過惶天不負有心狗，到左四點幾，終於出發！今次呢個地方，係佢每次返工必經之路，自從新機場搬左之後，十四年了，每次經過呢繼路，見到個風景好正，但又好少人！唔知係果條海邊路行，會有咩感覺！唔洗估啦，一於去行下米知！

是日晚餐

今日，有人見我唔肯食早餐，又要我返工(做實蕉) 冇得去玩! 有人好內疚， 所以， 就早D返屋企早D同我落樓下行下， 等我食晚飯時有返D食慾!

今日熱到屎， 等太陽伯伯開始放工先行都好!

奶茶妹妹

如果一路都有睇開我個成長日誌，又如果識我人都知道！帶我返黎果一刻，我同我阿妹二選一，由於果時我正在同我阿妹打緊交，打到佢呱呱叫！當時實在係咁頑劣之下而帶我返屋企，所以我知道我有一個細妹！唔知佢而家變成點呢！
我都嘗試過千里尋親，可惜賣我果位，唔知道細妹賣左俾邊個！我記得我同佢細個E毛E YOUNG！
唔知佢係米變成咁！

我要起飛—機場南跑道

呢個地方，一直都好想同我去好耐，最近見BLOG友圓咕碌去完，好一於襯今日復活節最後一日假去！重要四點幾先出發，希望影到黃昏日落一刻！去邊到，就係阿四返工地方，機場啦！
我地四點幾去到，話時話佢係機場返工咁耐都末黎過呢到！平時係飛機遠處就望個呢個地方，但係黎到跑道尾真係第一次！

快閃城門遊

星期日，復活節假接近尾聲，先有假放，星期六晚拿拿臨計劃行程去邊玩！有選擇A，選擇B同選擇C！一早黎個魔鈴CALL，可惜人算不如天算！居然落雨，所有ABC餐，全部無得去！除消鳥！簡直憤怒鳥！唯有再訓過！
到左中午時份，已經矛再落雨！個地下又乾返晒！即刻再吹雞，黎個快閃行！近近地又係石屎路唔多選擇！決定去城門水塘行返轉！

開心愉快鶴藪沙螺洞(下)

如果命運能選擇，十字街口你我踏出的每步更瀟灑！好既然時間尚早，山長水遠一場黎到，我地一於踏出瀟灑一步向沙螺洞方向出發！

開心愉快鶴藪沙螺洞(上)

尋日去完橋底玩左一個下晝，好似末夠喉！所以尋晚搞盡腦汁，去邊樹玩好！手機有個"鴨屎"叫"郊樂行山"，一於睇下有咩地方介紹！見到鶴藪呢個地方，有人諗返起中學時期去過，不過好模糊，我有末去過一於就去鶴藪啦！
見到鶴藪有條家樂徑，一於就行呢條家樂徑啦！其實香港一共有十二條家樂徑，數數手指我已經去左五個，話明家樂徑，梗係適合一家大細去玩！
不過今次又係"魔玲"Call，八點起身，九點出發，想早去早回！

半個鐘已經到左鶴藪，呢個營地地標，你地認住佢啦！好多人話我靚仔，不停俾途人影影影！