冤枉呀大人，唔好收監！

點解我叫你玩，擺埋玩具係你大脾，你都唔"踩"我，一隻眼望電視機，一隻眼望住部電腦，你究竟有無知道我存在？喂喂…好等我出殺手鑭…

首先，我用個鼻一推，你就會大聲話：你再推呀？閂埋我唔會開俾你！

跟住我再用手一拉，"o拍"一聲，你就再大聲講：抵你死，我唔會開俾你，你真曳到不得了…(以下可以刪除)因為我聽過無數咁多次，究竟我講緊o麥，就係呢個分隔走廊同廳o既閘啦！

之後你o既台詞就係：你自已閂，抵你死，慢慢等三個字…

通常幾分鐘後，你一定敵唔過我可憐o既眼神，就開返俾我，但係今次你去拎相機，OMG，我的天呀！

你影呀，我有辦法，登登登登，我睇你唔到，你睇我唔到…

夠啦！好放監啦…

你睇我幾開心！監期已過，哈哈！

一放監，梗係咬屎你…咬o麥，梗係我D玩具啦！

時間一分零六秒，再破大會記錄，YEAH！

個閘係我細過時買返黎，因為我唔鍾意係籠裡面，而家無人係屋企，我都係閘裡面，呢個閘係我捍衛我安全感o既一度重要防線!

其實你驚我在走去大門吠人之o麻！

呢個籠係我一返黎就有，而家放係廳o既一角，點解重唔掉？

當我見到掃帚怪，我會跳上SOFA，我一見地拖怪出現，我會自動自覺，自已開門入去，所以米重係到o羅！