聲音

耳仔係我身體最靈敏一部份，能夠分辨出你感覺！從你聲線語調，知道你喜，怒，哀樂亦都影響我喜，怒，哀，樂！我最喜歡聽到係個EAT字，街字！最討厭聽到係閂門聲同鎖門聲！

唔同聲音原來主宰住我有唔同反應，電梯門同隔離屋度門一響，我自然就吠兩下！膠袋聲又會就去八下有嘜東東！行雷聲，無反應！奶茶呢度，望呢度，我一定扮聽唔到，係都唔會望！原來不知不覺間，我已經將所有聲音分辨得一清二楚！亦把所有大家生活習慣慢慢開始磨合，從大家聲音亦開始瞭解大家所想所需！

最近發現到原來狗地都識聽音樂，豎琴發出的頻率跟人聲十分接近，狗聽起來，便覺得有人跟牠在溝通一樣。有助減壓！最近我成日聽黎聽去都係呢首豎琴版CANON IN D，就係你而家聽到！事關佢最鐘意呢首音樂，強迫要我聽佢喜歡音樂！我第一次聽豎琴版時候，見到我係每一個小節第一個重拍，耳仔都好自然咁郁一下，聽聽下重訓著左，唔知你家小朋友有無咁反應！

雖然我好鐘意豎琴聲，但係好似HARP FOR DOG唱片製作話齋，最重要是飼主多花時間跟寵物溝通和接觸，否則不論用什麼方法也只是徒然！

如果有得選擇，我相信我會寧願聽一把陪我長大而又熟悉聲音！就算是鬧我的聲音都無所謂！當然最喜歡聽到讚我說話！當你肯用心對我說話，我除左用耳聽之外，我也會用心去聽！

請記得我們之間的第五個約定，
請偶而對我說說話，縱使我不懂你說的內容，但我聽得懂，
我感覺到你的喜怒哀樂，那是你的聲音在陪伴我。