我奶茶都有特異功能，等我代表狗仔界，唔好俾八爪魚威晒，哈哈！等我估下誰是冠軍都好！話唔定到時紅鬼左，一登龍門，升價十倍！餐餐大魚大肉，哈哈！幻想ING!!
好！第一回合，季軍戰！北角-烏鴉龜
好!開始，兩隊都各有食力，邊隊好呢？
烏鴉龜又好似勁D!!1
北角OK喎!!
經過我為食分析之後……
季軍係烏鴉龜，YEAH！
到冠軍戰啦！西瓜牙-荷蘭豆
好難喎！各有各香味！邊隊好呢？
係毫無考慮下，肯定，堅定咁選擇左荷蘭豆！
所以冠軍係荷蘭豆，亞軍西瓜牙，季軍烏鴉龜！
唔知電視台會唔會帶食物黎採訪我呢！
典解我屋企果個，咁鬼無聊，無奈ING！
UPDATE 於世界杯賽果後：原來我係明燈！
咦!! 同八爪魚保羅啱啱相反, 佢揀西瓜牙喎!! 今次真係要睇吓究竟奶茶估中剩係保羅估中!!
回覆刪除[版主回覆07/10/2010 23:01:00]我同保羅唱反調！
睇完之後,我笑左出黎~ 茶仔~唔該你提供1-48號比六個NO.我呀!!! 中左頭獎既買一百箱加糧比你~ ^3^ KAKA
回覆刪除[版主回覆07/10/2010 23:03:00]沙莉姐姐，你肯定係乖女！六合彩有49個字！
我睇好你架！中咗，等我叫D同事同你做返個獨家訪問先！立即揚名海外！之後做埋D乜乜狗糧代言狗，拍返幾個寵物用品廣告，Wakakaka，你老豆就可以提早退休，全職做星爸喇！有個咁威嘅契仔，你契媽我都巴閉D！ 一於買重荷蘭豆！
回覆刪除[版主回覆07/10/2010 23:05:00]好呀！契媽你唔好咁重手呀！唔好輸晒乖乖D食物錢呀！
荷蘭豆！GO GO GOAL!!!
今日要養精蓄銳...買定零食..買定汽水 買定 BB...唔得!!半夜唔可以拱大聲
回覆刪除[版主回覆07/11/2010 23:01:00]大大聲先過癮嘛！可能你隔離屋重大聲！哈哈！
笑屎我喇 .......奶茶, 你次次都貢好笑 ka 呢次我都唔知撐你 定 .. 撐保羅 ... 我自己 like 荷蘭豆 .. 但d人又話保羅好勁 .... 唔~~~~ 好啦 ... 我落重注, 如果我輸左, 你d糧就要比晒我 ka la ...因為我可能因為輸左而茅錢買糧比家果4件蛋散 ..
回覆刪除[版主回覆07/11/2010 23:05:00]好驚喎，你落重注！不過唔緊要我由今日開始，扮食糧！跟住擔D糧收埋係床仔底！一家四口唔可以矛野食！我咁肥，餓唔屎！哈哈！
比隻狗仔踢爆左我唔識買六合彩添 = =""" KAKA
回覆刪除[版主回覆07/11/2010 23:06:00]一睇已經知你係乖乖女啦！哈哈！
好茶BB笑死我啦......
回覆刪除奶茶 VS 八爪魚.......賽果......八爪魚勝......
(不過八爪魚既下場可能係.......拎去比人做刺身呢...)
[版主回覆07/12/2010 21:30:00]唉！我都唔好意思，搞到我D朋友輸左D狗糧！
奶茶，Uncle Lion係你嘅super fans佢尋晚着住件橙色T shirt出去睇波，擺到明 buy你支持荷蘭豆！雖然荷蘭豆最後輸咗，不過作為你嘅super fans我哋係唔會懷疑你嘅眼光嘅！所以我哋肯定係你Daddy嘅傳心術出咗問題，可能佢講錯咗叫你估邊隊輸至真！
回覆刪除[版主回覆07/12/2010 21:35:00]係囉！肯定係佢接收有問題！明知我唔妥保羅！佢食代表贏！我唔想同佢一樣，所以我食邊個就代表邊個輸！其實我估中晒！係佢"滅是鶯打是頂"！
明燈? 雖然我支持既荷蘭輸咗, 但都俾你笑C. 奶茶唔該俾43個六合彩NO.我呀! 中咗請你食羊架.
回覆刪除[版主回覆07/13/2010 23:05:00]同我相反米贏晒！所以我米明燈囉！
43個字咁多，我俾我無選擇果6個字過你呢！哈哈！
哈哈......
回覆刪除[版主回覆07/16/2010 18:59:00](Empty)
你真係有幽默感
回覆刪除[版主回覆07/18/2010 19:44:00]笑一笑，世界更美妙！
我第二隻貴婦接波最耍家，有機會同你隻奶茶比併吓。
回覆刪除[版主回覆07/19/2010 23:33:00]好啦！等我地比試下！哈哈！