深井游記

訓到黃朝百晏，睇黎又係係屋企，上個禮拜矛得去玩，難道今個禮拜又要係屋企，米玩啦！兩點幾，天氣何其好，再望望新聞台，嘩成三十二度，點算！好天加上天氣熱，矛野好得過游水啦！拿拿林打俾附近D朋友仔，睇下大家有無興趣一齊去碧波暢泳！完來大家都無野做，一吹雞，個個醒晒神！
ELMO你重末到架！好彩有太陽帽，太陽伯伯矛有怕！

四點到左麗都灣，我好耐矛見契媽同乖乖啦！你地好嗎！

一去到我已經急不及待要落水啦！

ELMO你唔洗游得咁急！

睇下我游得幾"千鬆"！

成班友仔都唔係游水，靜係鐘意跑沙灘！

黎到唔游唔得，我地輪流俾訛稱自認為教練魔鬼"斯灑"捉出去游水！

喂喂！唔好搞我好播！我四隻腳插實晒D沙，C都唔去！

ELMO你太天真太傻啦！點逃得出冒牌"斯灑"魔掌！

不知不覺咁又游左一粒鐘！

又係下午茶時間，好彩我地有駝鳥扒保充體力，正！