藍巴勒海峽，個名好靚呀！唔知以為係歐洲某一個名勝，類似果D咩咩藍色多瑙河咁！前日話帶我去藍巴勒海峽行下，聽得我幾鬼開心，其實邊度係，洗唔洗搭車！點知佢話窗口望出去米就係藍巴勒海峽囉！車，笨！
禽晚有放煙花果度，米就係我屋企窗口望出去！
藍巴勒海峽之右，米正正係我去個N咁多次樓下海濱公園！差唔多晚晚都去啦！真係咁都得，改到個名懶好聽！痴左線！不過話時話，已經有一排無係太陽落山前行過！你知個夏天有幾熱先得！不過而家黃昏時段，有秋風送爽！行下都幾C服！
雖然晚晚行，太陽落山前行，別有一番風味！
呢個境都影個N咁多次，一於唔望你，唔俾你影，你唔悶，我都悶！
今日個天好好！
成個海濱圍晒欄杆，米就係因為次煙花，驚人跌落海！
行到差唔多到麗城！係時候坐低抖抖！
你貴姓呀！
就係咁就完成左個所謂藍巴勒海峽之左！
奶茶你屋企都好正姐, 景又令, 又多野玩, 仲睇到煙花天
回覆刪除[版主回覆09/18/2011 00:14:55]日落時重熱到飛起！哈哈！
奶茶,原來你屋企個view拱正~
回覆刪除[版主回覆09/18/2011 00:16:02]你問下芬達正唔正！係正嘅芬達就唔願走啦！哈哈！
" 藍巴勒海峽 " 真係唔知.. 以為係邊樹 Wakakaa 我本來都可以睇到呢個海景ka, 最衰比d你好憎果d 樓擋晒我景=.=" 嘻嘻~ 你終於都覺得悶喇... 我一早都話悶 ka la ^.^=
回覆刪除[版主回覆09/18/2011 00:17:39]住左咁耐都唔知，係米以為塞納河呀，多瑙河附近呢！哈哈！
嗰日放煙花時我剛剛坐車經過，見到幾萬人去咗藍巴勒海峽睇D唔多靚嘅煙花，Hahaha，你就好啦，係屋企就睇到，唔使同人迫
回覆刪除[版主回覆09/18/2011 23:41:15]嘭嘭聲！都唔知發生咩事！哈哈！
有咁靚風景，日日睇都唔會悶啦^00^
回覆刪除[版主回覆09/18/2011 23:42:12]其實個風景睇左有無十次都無！哈哈！
咁正重話悶....我都想悶吓喎~~~kakakakakka
回覆刪除[版主回覆09/19/2011 22:47:34]日日都行，你話唔悶都唔信！
BeBe : 我地以前住荃灣都成日行到去麗城, 真係幾好咖, 當然夏天米搞哩...^^
回覆刪除[版主回覆09/19/2011 22:48:45]夏天真係唔得，秋冬嘅黃昏行真係幾唔錯！哈哈！
奶茶你就正啦,座係屋企已可以看到烟花,人哋要出街迫, 唔好申悶啦. 你可以攞個"開心號"出黎,加頂畫家帽, 幻想自己在夜遊多瑙河囉. ^^
回覆刪除[版主回覆09/19/2011 22:50:39]繼夜遊杜拜後，等我唱返枝夜夜藍巴勒先！哈哈！
hahahahahaha~~~~~~~~~~~~~~~ 藍巴勒海峽<<<<<<<<<<<<<<<<< 我喺facebook睇到時仲同baba查地圖~ XXXXXDDDDD 我覺得俾你戲弄咗一下囉
回覆刪除[版主回覆09/20/2011 22:18:20]哈哈！玩我遮，連你都戲弄，我都話佢唔係好人啦！
嘩！你屋企好正，睇到荃灣放煙花～！
回覆刪除[版主回覆09/20/2011 22:20:21]不過五十年先放得果一次！哈哈！