以前有人話我食呢D有好似成日抓痕，食果D又唔知得唔得，會唔會敏感！大驚少怪！唔知重記唔記得我上幾個禮拜做左個食物敏感測試，報告終於出左！
全部食物都係零敏感，呢個簡直對我係莫大興奮同鼓舞！唔洗再有藉口話呢樣唔俾我食，果樣唔食得！話時話張測試D錢買晒野食俾我重好過啦！
雖然我對所有肉，菜矛敏感，但並唔代表我餐餐大魚大肉！乾糧都係我主要食糧，早晚一餐，係晚餐後再加幾他肉！不過一星期七日，晚晚都唔同，有時魚，有時雞，有時鴨，有時牛，有時羊，有時駝鳥，有時南瓜！成個冰格都俾我霸晒！
不過講到乾糧，之前食開ADDICTION，不失為一隻好糧，不過食左年幾有多，係時候要轉糧吸收一下唔同營養！咁上個月嘔，E生要我轉食ROYAL CANIN腸胃敏感糧，但始終係味精糧，所以都係盡快轉返隻好D糧！靜係簡糧頭都大！千簡萬簡終於簡左THREE DOG BAKERY！除左天然健康之外，頗為鐘意佢地理念，正如佢地所講WE BAKE LOVE INTO EVERY BITE!!希望選擇正確！
重記唔記得我之前九秒九清DAU！
自從有左慢食DAU再加埋D糧大粒左，由以前四十五秒到而家食四分五十秒，一邊o趙，一邊歎！
奶茶你之後食野果個樣真係好歎喎.咩都食得,呢個消息你聽到之後一定好開心啦
回覆刪除[版主回覆11/29/2011 22:43:48]係呀！至緊要樣樣都食得，食得是褔！哈哈！
奶茶, 你一路食我一路笑左出來, 你食野個樣真係好可愛好好笑^^
回覆刪除點呀, 依隻糧得唔得呀? 得我都買比三水仔試下!
你地真係好乖呀, 食過咁多好野都仲肯食糧! 三水仔一見到糧會匿入sofa 底架>..<
[版主回覆11/29/2011 22:48:03]隻糧暫時都可接受，但又唔係話好鐘意果隻！如果加肉一定食曬，齋糧就通常食靜幾粒！哈哈！
我地之前都食過一排 three dog bakery, 之後轉食oven baked 到而家, 奶茶, 我地三個主餐係乾糧, 一星期都係得一餐肉, 就係雞肉.......
回覆刪除[版主回覆11/30/2011 23:40:22]不過又真係好難買，唔多地方有得買，好彩搵到間可以送貨！
[壽壽, 悠悠, 灰灰回覆11/30/2011 09:10:55]一來食食下 three dog bakery唔願食, 二來最近我地嘅分店要去 sai kung, 訂糧唔方便~
[版主回覆11/29/2011 22:50:10]其實都係oven baked 同three dog bakery 兩隻考慮，最後簡three dog, 點解你地會轉oven baked? Three dog bakery 有咩問題？
真係因為慢食兜加大粒糧所以食慢咗？定D糧麻麻地好食呀？叫亞五煎塊美國肉眼扒放入個慢食兜，睇下仲係咪食4分50秒？Hahahaha！
回覆刪除[版主回覆11/29/2011 22:52:37]哈哈！你真知我心意，等我下次有肉眼扒計時過你睇！肉眼扒唔知幾時有，等我幻想下先！哈哈！
呢隻糧之前都試過.............係唔錯 , 不過毛色明顯淺色咗 , 媽媽即刻同我轉糧呢~!!
回覆刪除[版主回覆11/30/2011 23:41:09]我個好鬆D乖乖都係食Now!
[圓咕碌回覆11/30/2011 16:48:58]小bu 真係要試吓呢隻糧 , 雖然貴咗啲 , 蛋白質唔高 , 毛色又靚咗 , 便便會變咗黑色 , 不過係正常嘅~!!
[小bu回覆11/30/2011 16:42:29]我都係煩梗同小bu 轉糧既問題呀！我諗住轉食now 呀！
[圓咕碌回覆11/30/2011 11:53:41]我食緊 now 成犬糧
[版主回覆11/29/2011 23:01:13]等我觀察下先！唔該晒！圓咕錄而家食邊隻牌子呀！
搞來搞去.. 問題不在於你, 係.. 佢呀!! 淘多個慢食兜比佢啦 Wakakaaaa
回覆刪除[版主回覆11/30/2011 23:52:57]迷彩馬騮頭米就係佢個樣！哈哈！
[小火車回覆11/30/2011 12:51:35]哈哈~ 我唔怕佢, 我會幫你!!
唔知有冇迷彩 + 馬騮 o麥頭 o既 " 慢食兜 " 呢 XDD
[版主回覆11/30/2011 00:06:37]呢位女子真斗膽，講曬我嘅心意！我唔敢得罪米飯班主，你幫我送過佢，我俾返錢你呀！唔該！哈哈！
食過哩隻新糧之後,, 比返個報告我地睇下好嘛^_6
回覆刪除[版主回覆11/30/2011 23:48:10]好呀！等我食一排再話比你聽！哈哈！
換咗兜之後, 你食得滋陰咗呢 XDDDD
回覆刪除[版主回覆11/30/2011 23:49:26]係呀！陰滋陰滋咁食！哈哈！
真係知音左好多 果然係偉大發明！
回覆刪除[版主回覆11/30/2011 23:50:25]係呀！對我黎講係偉大發明！哈哈！
奶茶你食得好"詩文"呀, 真係好鬼可愛呀. D糧真係好大粒, DR唔知LIKE唔LIKE食, 不過好似你爸爸咁講, 理念好都可以試下既. 等我下次問毛姐整少少試下先.
回覆刪除[版主回覆11/30/2011 23:51:41]哈哈！你叫Jenny攞D比DR食下，睇下肯唔肯食！
奶茶真係一粒粒慢慢噬喎, 仲成日偷望鏡頭...臨尾jap jap聲, 個樣好搞笑, 哈哈! 果3粒白色野就係慢食兜既原理呀?! 真係咀短都食唔到囉XD
回覆刪除[版主回覆12/01/2011 22:30:06]Jap gap 聲都俾你聽到！哈哈！就係果三舊白色野頂住晒，無得大口大口食！
我都試過買大粒糧比mocha, 話有刷牙功能, 諗食正啦, 點知佢唔咬...係咁吞, 最後要每粒整細...
回覆刪除奶茶你乖過mocha好多呀
[版主回覆12/01/2011 22:31:35]乖？食得咁慢就知唔好味啦！不過唔食無野食！哈哈！
奶茶條脷好乾淨, 即係佢好健康呀!
回覆刪除[版主回覆12/01/2011 22:32:14]望聞問切你都懂！好勁呀！哈哈！
講得啱, 如果驗嘢d $$ 買小食比你成好耐都得lu hehee
回覆刪除[版主回覆12/05/2011 14:29:46]係呀！有排食之餘重可以派街坊都得！哈哈！
奶茶真係好有進步呀...睇黎我都要買2個比2個小寶..佢地又係吞落肚架..
回覆刪除[版主回覆12/07/2011 00:21:10]真係幾唔錯！全力推介！哈哈！