相信好多人都知，我有"扑"呀，飛屎卜呀，o威薄咁啦，有咁多呢D社交網絡做嘜Q，我都唔知道點解，淨係話想幫我分享多D快樂咁話！
不過係最期一，茶包收到個Whatapps，佢朋友問佢有無興趣打算收養一隻POODLE，當然問個來龍去脈，原來"朋友的朋友"看見有我D相係飛屎卜，佢打算棄養所以問茶包有無興趣養多一隻！興趣？嘜養狗係興趣？當無興趣就唔要，真係嘜人都有！
再追問之下，原來又係果D有左人小孩而唔要毛小孩，呢D鬼借口，當然令人無明火起，嘜養毛小孩前，真係無停一停，諗一諗嗎！人小孩真的不能夠與毛小孩共存嗎？
雖然拒絕左，不過茶包朋友叫佢幫幫手，睇下有無其他人肯收養，雖然一直係飛屎卜見過好多呢D棄養消息，但親身近距離接觸，心情特別難過！唯一可以做就係利用我個"飛屎卜"睇睇有無好心人！因為唔幫，毛小孩的命運大家都估到！
當收到相，突然心沉一沉，決定幫呢位小朋友，因為他知道被離棄嗎，他知道要搬走嗎，他知道不再被愛嗎，他已給趕離她的心嗎！相中佢好似已經知道答案！
不出半小時，已經有幾位有心人提出給他一個新的家，而其中一個係茶包朋友朋友，她本想買POODLE，耐何茶包朋友(一個收養很多狗地的好人)提議等下有無收養機會，他說服她，有緣份一定會遇上收養機會！選定對方可能知對方係熟悉人，以後有機會聯絡得上，當然好快將大家聯繫上！並相約好尋日將毛小孩帶離一個永不屬於佢地方！
毛小孩叫做WOODY，新主人想繼續用呢個名！WOODY已經有新的家，一個有新的希望家！
今日收到主人MESSGAE，WOODY很跟她，好乖！很痴新主人，不過新主人想試試俾WOODY獨處，落街買早餐，可能驚，怕再被離棄嗎，不停叫喊，搞到新主人也想哭！WOODY請不用怕，不用擔心，她會很愛你的！
WOODY你一定要乖，快D適應新家，祝你同新主人永遠幸福快樂！祝你笑臉常掛！
今次我個"飛屎卜"做左一件好有意義事，超開心！不過如果大家能養狗之前熟讀狗狗十誡，呢D事就唔會發生！
愛牠，請好好保護牠！
我亦剛收養了一隻貴婦.我第一眼看見的並不像奶茶般可愛.只是一隻瘦骨仙的街狗.後經過一般梳洗才似樣d,很奇怪,佢不單很跟我並與我兩隻約瑟相處融洽.佢好像知道自己要怎樣做才能留下生活.我心想点解佢會遭到前狗主這樣對待,不過我應承(花女)-他的名字.以後會給他一個幸福的家.所以.希望人們日後應三思才養他們!
回覆刪除[版主回覆08/27/2012 01:56:50]祝福小花幸福快樂，好快就會變得可愛動人！
我都好憎d人話有小朋友就唔要毛小孩.....
回覆刪除其實好好打理佢地, bb同毛小孩係可以共存的! 只係睇你有冇心!
不過你個朋友個朋友一定乜都冇諗就決定放棄毛子孩了, 真是
好在而家woody有人收養了, 希望佢從此之後開開心心吧
[版主回覆08/27/2012 01:58:03]真係嘜人都有，只有無言！
今次你個飛屎卜不單止分享快樂仲令Woody得到幸福超讚呀！Woody可能未習慣新環境所以驚啫，俾兩、三個星期佢就冇問題(乖乖當年都係咁)祝願活得比從前更開心、更幸福
回覆刪除[版主回覆08/27/2012 01:59:32]希望woody快D適應新生活！
每當打開飛屎卜，棄養K屎沒完沒了，奶茶今次你個飛屎卜幫到Woody,好有意義，希望Woody跟新主人可以過D新生活
回覆刪除[版主回覆08/27/2012 01:59:21]我同你諗法一樣！
Woody真好彩,遇到茶包..祝Woody永遠辛福快樂
回覆刪除Christy真係要出一本書,告知一些無知嘅人,毛小孩絕對可與人小孩溫馨地共處
[版主回覆08/27/2012 01:59:55]係呀唔只出書，重要上電視！
HI, 各位，多謝你們的鼓勵，我第一次養狗狗，好多謝你們的十卜呀。我會好好愛牠的。 。
回覆刪除[大隻仔 Kobe回覆08/27/2012 14:33:46]Hi,我是為妳打氣的3歲大隻仔, 我地狗狗係會為妳帶來很多快樂時光架,加油
[Mui Be回覆08/27/2012 13:07:20]努力呀Sharon , 我地每個愛狗嘅狗奴都支持你! 撐你!
[版主回覆08/27/2012 02:00:39]好多人支持你架sharon,加油，給力中！
[毛之家回覆08/26/2012 23:46:29]睇你blog幅相知你一定係一個有愛心的人，woody有你收養真係好運，你要加油
狗狗成長後被棄養身心會受到重大打擊,希望佢新主人能堅持及加多兩倍愛心關心Woody啦!
回覆刪除[版主回覆08/27/2012 02:01:16]我相信新主人一定做得到！
比人唔離棄, 一定唔開心的!!
回覆刪除新主人亦唔好心急, Woody 受到O既傷害, 係需要時間去復原的, 衹要有耐性及關心, Woody 晒終都會感到她O既愛
呢次.. 真係要讚飛屎卜, 如果唔係又多一個可憐的小生命受到痛苦
[版主回覆08/27/2012 02:02:00]我相信woody同新主人一定做到！
真係好憎啲人因為生人仔而唔要寵物o既，養咗咁耐無感情o既咩，動物同人仔唔可以共存o既
回覆刪除[版主回覆08/27/2012 02:02:55]相信好快就會適應新生活，忘記以前D不快！
奶茶，你好叻，你真係做到將幸福帶給他人
回覆刪除[版主回覆08/27/2012 02:03:32]希望真係幫到有需要嘅人！
回覆刪除[版主回覆08/29/2012 01:19:52]相信大家都係咁諗！
有奶茶同茶包既祝福，我諗woody 一定好快適應到新主人既！不過真係唔明果d人，點解有左就要棄養毛小孩呢？真係甘無法共處咩！！太過份喇！
回覆刪除[版主回覆08/29/2012 01:20:37]相信woody會一定有開心日子！
見到 Woody 第一張相真係眼濕濕, 好似你所講 Woody 好似知將被遺棄!! 好可憐!! 好彩茶包你短時間替佢找到新屋企, 希望 Woody 盡快適應, 做翻個快樂毛小孩!!
回覆刪除[版主回覆08/29/2012 01:21:28]相信好快會做返一個快樂毛小孩！
幫到woody 真係好令人開心, 亦都幾矛盾, 會唔會令人覺得飛屎卜可以好易咁找到新主人 >_<
回覆刪除d 人好衰囉, 生小孩唔係一個藉口囉, 又唔見佢地post d小朋友出來比人領養
[版主回覆08/29/2012 01:23:53]可能毛小孩大左post叫D人領養佢父母！
要棄養嘅人總有千萬個籍口,, 我本人最憎亦最睇唔起嗰啲一命換一命, 養毛小孩嘅時候冇諗過要生仔嘅, 用吓腦啦, 想小朋友抵抗力更好, 就更加要養貓貓狗狗,, 一調生命都可以話唔要就唔要, 點教仔呀.. .好彩今次Woody 預到愛心主人
回覆刪除[版主回覆08/29/2012 01:24:01]其身不正禍及下一代！
woody個樣超級唔開心......呢d咁既主人, 唔跟也罷喇
回覆刪除其實狗同bb係唔係一定要2選1呢~ 點解被放棄既一定係狗狗呢?
佢地都陪我地一齊經歷左好多開心同唔開心, 點解要咁對佢地............唉
[版主回覆08/29/2012 01:24:39]可能老左佢地俾人棄養！
為奶茶做的好事鼓掌
回覆刪除[版主回覆08/29/2012 01:25:22]我都祝福woody同sharon開開心心！
我有個同事就唔會咁對毛孩喇, 佢知自己有咗之後, 就成日叫毛孩聞聞佢個肚, 對住佢個肚肚錫錫, 而現在人孩已出面世了, 兩孩都不知相處得幾好, 毛孩仲識氹人孩瞓覺覺豬啊!!!
回覆刪除[版主回覆08/29/2012 01:26:03]唔係個個都似你同事！
狗不是你的一生，但狗的一生是你!!! 希望Woody沒有對我們人類失望, 永遠開心健康快樂
回覆刪除[版主回覆08/29/2012 01:26:54]woody一定要健康快樂！
呢個絕對係籍口呀, 毛小孩一樣是媽媽爸爸心中的小孩..實在雖都不能放棄呀~~
回覆刪除[版主回覆08/29/2012 01:27:38]你係一個好榜樣！
好心有好報
回覆刪除[版主回覆08/29/2012 01:27:56]我都相信！
今次好彩有你嘅幫忙，Woody先可以咁快有一個新家，不過真係唔希望再有呢d事件，毛小孩同人小孩係可以快樂共處的，兩小孩無錯，重點在於父母。
回覆刪除[版主回覆08/29/2012 01:28:33]所以你要出書分享心得！