話說上個禮拜六神神秘秘，原來去左幫我投車牌，真鬼馬！其實由最初決定買車一刻開始，都係想可以有架車可以帶我周圍去，可以幾時去，話去就去！既然呢架車都係為我而買，所以叫做MILKTEA CAR，但係硬係爭咁D野，忽然其想如果個車牌叫做MILKTEA咁米名正言順MT CAR！係架車末到之前，以經向呢個車牌埋手！原來一年得三次接受申請，好彩係一月尾趕得切入紙申請！
第一關上網用M1LKTEA申請，兩個禮拜後收到確認信，証明無人用，可以進入下一輪抽簽！
第二輪係成千上萬申請中，抽出千五份申請表！好彩又中簽！到三月頭收信確認，然後交按金！有人覺得平，有人覺得貴，在乎你點睇，每個人價值觀唔同，只覺得好有紀念價值，同埋所有錢都係損去公益金，好有意義！
交左按金，然後分批拍賣，每個月得二百五十個車牌拍賣，一路等，終於排左半年到我啦！上個禮拜鬼鬼鼠鼠原來去左拍賣會場！
好緊張呢！
入去前，先俾個牌你，33號加油！
可能早去無嘜人，越近就差唔多坐滿人，巧緊張！
終於開始，第一個叫左好多口價，叫到萬四，下，咁點算！好彩之後都係底價成交！有番D希望，到我之前果個又叫到萬九，唔好玩啦！輪到我M1LKTEA，後面D人不停講MILKTEA 哈哈！舉起33號，千其唔好有人同我爭，唔知可以還幾多口價，好彩無人爭，最後三聲底價扑鎚成交！YEAH！
快D出去登記先！
到今日快快趣去搞埋D手續，可以掛起MILKTEA！
好襯我呀！
重唔係真真正正MILKTEA CAR！
好開心呢！
其實最初個車牌唔係咁LIKE，不過一直對MILKTEA充滿希望！
終於得償所願！
舊車牌，辛苦你啦！
Yeah！MILKTEA CAR！你以後去咗邊都有人知Lu！
回覆刪除[版主回覆09/17/2012 17:48:08]投地
到時去邊都比人知我嘅行誴！
好正呀，但你千祈唔好楂住架車做壞事，係人一見到個車牌實好易記得話俾差人知
回覆刪除[版主回覆09/17/2012 17:48:58]係呀!要加倍小心，唔係就係人都知！
奶茶好幸福呀，阿四搞左咁耐，Milktea車牌到手呀，出街一定巧型呀。
回覆刪除[版主回覆09/17/2012 17:49:50]型就唔知，要好小心就真！
其實...你個舊車牌都幾好吖5249 = 唔易死狗 that means奶茶長命百歲！
回覆刪除[版主回覆09/17/2012 17:51:09]舊車牌keep起左，話曬佢都辛苦過！
望穿秋水..終於投到返呢, 真係開針屎
回覆刪除原來d 錢會去左 " 公益金" , 早講嘛 .. 早知我又去舉幾下, 十卜下 " MilkTea " 啦
[小火車回覆09/17/2012 17:58:30]冇呀!!冇呀!! 冇d 貢o既樹
幫到奶茶, 我好樂做的
[版主回覆09/17/2012 17:52:59]你都好鐘意玩野，下次公益金籌款一定通知你，你咁有善心！
no. 11 - milk tea
回覆刪除[版主回覆09/17/2012 17:54:05]咁你都留意到！
YEAH,milk tea
回覆刪除[版主回覆09/17/2012 17:55:01]係呀，一定認得無走雞！
後面啲人應該諗... 唔係鍾意飲奶茶鍾意到咁交關
回覆刪除[版主回覆09/17/2012 17:56:43]以為係沖奶茶嘅奶茶王！
奶茶，考到車牌咁勁，下次毛媽黎探你，一於你車我呢我大腳板四圍去Lu
回覆刪除[版主回覆09/17/2012 17:56:48]當然no problem!
嘩！原來要過咁多關先考到，奶茶你好幸運呀！橫樹都係，不如幫架車換新裝，大大隻奶茶貼係車身，正！
回覆刪除[版主回覆09/17/2012 17:59:21]好似誇左D喎！
依家架車屬於你架喇,記得留返D利是錢交牌費呀
回覆刪除[版主回覆09/17/2012 18:00:45]下米即係扣零食，唔so喎！
我會叫D同事...如果見到呢架車違例...千其要比個面...警告就好了....唔好告票的...
回覆刪除[版主回覆09/17/2012 18:01:44]C姐，失敬失敬，真係要射住射住！
好正呀
回覆刪除用呢架車車住奶茶周圍好!!!!!
型到爆炸!!!!!!!!!
奶茶有無感動到喊呀
[版主回覆09/17/2012 18:02:30]哈哈！佢自己好似開心過我！
太好鳥，唔知典解睇都覺得巧交扇，巧鮮分
回覆刪除[版主回覆09/17/2012 18:03:09]哈哈！我都巧交扇巧鮮分呢！
原來要搞咁耐架？弓起曬！如果係路上見到奶茶車，等我bee bee 你地先！
回覆刪除[版主回覆09/17/2012 18:03:56]如果你bee佢，肯定嚇到佢雞手鴨腳！
我個車牌都係為蕃薯考返黎架..一TAKE過...不過PAPA話我手車好危險, 唔好害人喎..
回覆刪除[版主回覆09/17/2012 18:04:44]如果你papa見到佢，可能講同一番說話！
奶茶下次你要親自揸埋車載朋友仔去玩先得喎
回覆刪除[版主回覆09/17/2012 18:05:57]你地夠膽坐嗎！
奶茶...遲d可能會有MILKTEA遊艇同MILKTEA飛機
回覆刪除[版主回覆09/17/2012 18:05:51]有嘅一定邀請OBl一齊坐！
Q-BI：巴閉, 巴巴閉, 等我都叫我屋企果兩個賓賓投番個至得........
回覆刪除媽咪：投你個頭, 整係養你地三隻野都破產喇, 仲講其他........
[版主回覆09/17/2012 18:07:04]係呀茶包成日都話破產！
希望有緣相遇MILKTEA CAR 啊, 一定上前打招呼!
回覆刪除[版主回覆09/17/2012 18:07:26]好呀！say個hello!
好勁呀！有埋milk tea 車牌，甘就真係全香港九龍新界都可以去喇！！下次係街一定要留意有冇MT car 係我附近先！
回覆刪除[版主回覆09/17/2012 18:07:56]見到我記住叫我呀！
日後出街個個都認得你, 名同埋你架車了
回覆刪除[版主回覆09/22/2012 14:16:21]咁就閉家伙啦！
嘩，恭喜哂! 可以擁有屬於自己個車牌
回覆刪除[版主回覆09/22/2012 14:17:50]些些！夢想成真！
奶茶好勁呀！ 有自己車牌
回覆刪除[版主回覆09/22/2012 14:18:24]一個好好嘅紀念品！
第日係街見到呢個車牌一定知道係你~~~~
回覆刪除[版主回覆09/22/2012 14:18:49]記得打個招呼！
奶茶嘅招牌笑容加上MILKTEA嘅車牌係街見到你一定唔會認錯呢
回覆刪除[版主回覆09/22/2012 14:19:38]真係獨一無二嘅車牌！
仲以為狗狗考到添。
回覆刪除（應該唔係佢掛）
[版主回覆09/28/2012 18:12:15]都算係我考到呢！
奶茶真係威, 車身可唔可以用埋奶茶色呢
回覆刪除[版主回覆10/08/2012 00:04:02]奶茶色好注目喎！
妳個BLOG 做得好好,我就新手一名，日後想請教你．不過同你有一樣都愛狗! 而且隻隻都係中型添．
回覆刪除[版主回覆11/01/2012 19:10:42]冇問題，多多指教，不過下次用＂你＂哈哈！呢個blog係男人寫！