聖誕派對ABC之PART A(行山篇）

聖誕節係普天同慶o既日子，咁梗係要玩盡佢，由於我身型至大，份量又最大，今年一於由我負責吹雞！由於而家興"飛屎卜"召集！等我試下個威力先！我要召集廿人一齊賀聖誕，估唔到，真係召集到！不過召集還召集，選擇活動都幾傷腦筋！又要顧及天氣，要適合大家，要有得玩，至緊要有得食，重要有地方抽禮物！地點要就大家！所以都諗左幾個方案，最後張一個慶祝活動一拆為三，可以行行山，跑跑草，BB蕉！三個活動就曬所有人，各位可以自由選擇適合自已活動，簡直一舉三得！但係地點頗傷腦筋"呀驚"，一個地方可以做晒所有活動，終於左諗右諗，大棠就係不二之選！就拍板大棠！

聖誕派對ABC！參加活動Ao既朋友有我，乖乖，DR.B，PEE同PUIPUI，卡卡同MOSES，菲比，壽壽，悠悠，灰灰，飛飛，芬達，細奶茶同麥皮，同好開心第一次見o既WOODY！
我地約好係集合地點！末出發，先興奮！

齊人啦！你地又俾扮博士老點行上行落，又係知D唔知D，錯地方！唔好再信佢，下次唔好再俾佢旗，超唔掂o既領隊！炒鬼左佢啦！

好彩有人識路，知道正確位置！我地今次挑戰大棠自然教育徑，先黎個大合照！

出發啦！細奶茶一馬當先，我當然唔會執輸！

今日個天氣非常適合行山！你睇個個行得幾HAPPY！

特別係WOODY！

初段寬闊又落斜，爽爆！

開始落樓梯，一個跟一個！

雖然有D朋友仔第一次行山，但對佢地絕無難度！

呢個有益身心活動，肯定適合一家大細！

終於到跳芭蕾舞時間，米即係茶點時間！個個都天鵝湖上身！

小休過後，繼續跑山！

突然見到個廟，記憶之中行過呢條天榜！重記得上次個個行到面青口唇白，要CALL直昇機咁濟，但如唔行天梯就唔夠時間進行PARTY B，唯有硬住頭皮上！

大家加油呀！

終於上到啦！但又唔覺得咁辛苦，好過上次千萬倍，可能今日天氣乾爽！同埋D樓梯無咁之高，記得上次D梯級成半個人咁高！
梗係休息下！

再影張大合照！

時間唔早啦，快行啦！

差唔多用左兩個鐘，預定時間內到達終點！

行完山梗係輪到聖誕派對ABC之PARTB！