心靈治療

鏡頭前後，我係兩隻狗，哈哈！其實我已經三歲有多，每次出街，我都充滿不安，但我又好渴望出街，心情起級矛盾！我非常細膽，可能細過芝麻，又可能放大鏡都唔到！


我不安o既情緒有幾勁？當我出街，我條尾會唔見左，緊緊夾在兩腳中間！當我去陌生地方，我會發出不安的聲音(超高音o既NG NG NG)，出三個鐘，可以NG足三個鐘，不停流口水，眼睛發紅，流眼水，表現出極到驚慌，重會痾緊張屎！如果平時散步，一遇見狗狗，奇怪聲音，我一樣會超級驚慌，不停搶繩！就算扯到透唔到氣，我只想九秒九返到屋企！

情況三年幾都係無改善，係陌生人眼中，會覺得我很少出街，抑或很少接觸其它狗狗！其實真係唔係，我一個星期最少都出三四次街，係我自已心理問題！

係佢心目中並唔係希望我成為一隻人見人愛，非常聽話，好SOCIALo既狗！佢只係希望我同所有地球村生物一樣，輕輕鬆鬆，唔雖要係壓力下出外，唔雖要驚慌不安咁散步！好輕鬆過每一天！

為左改善呢個情況，所以尋求解決方法！

美容師o既意見：可能要TRAINER幫忙！或考慮多養一隻狗狗，從新學習社交生活！

TRAINERo既意見：根據你所講，佢根本沒有行為問題！只係大細膽，佢不安情緒完全自已都控制唔到，只會越來越不安！嘗試用EASY WALK狗帶，因為普通頸圈只會越扯越不安！要試試識一D無攻擊性o既朋友仔！試下服用一隻維他命有助舒緩不安！

一聽見要食落肚，梗係聽聽醫生意見啦！

醫生o既意見：佢好認同話叫我唔好帶住不安o既心情接觸呢個世界，由今晚開始慢慢飲牛奶，牛奶中o既鈣，有助舒緩壓力，重開左D維他命B雜，有助舒緩神經作用！每次出街前半個鐘食一粒！我聽到有人不停REPEAT又REPEAT咁問，有無副作用，會唔會影響身體！醫生都答到無氣！哈哈！

綜合以上o既意見，養多個細佬妹，應該唔會，如果唔成功，有可能反效果增加我心理問題！識多D朋友，唔知人家見到我，會唔會被我不安嚇到怕怕？好啦，由今晚開始飲牛奶，每次出街食一粒維他命B，希望情況會慢慢改善啦！

我新買o定既EASY WALK帶，靚唔靚呀？

每次出街前o既維他命B！

希望我可以成為一個輕鬆快樂o既小朋友去接觸呢個世界！