掃興的一天

就快到新年，我唔鍾意新年，因為好忙，無嘜時間帶我去玩，又成日同我講去百佳，講大話，日日都同我講去百佳，又無咁多野係百佳買，去親百佳都幾粒鐘！
今日年廿八，洗邋遢！終於脫離長毛飛大日子！正因為今日去飛髮，名正言順有得去玩！難得今日咁好天，有太陽伯伯眷顧！一於去彭福公園玩返轉！未試過有太陽去彭福！
一落的士，見到幾個工作人員向我投以奇怪眼光，唔通以為我係獅子仔！
行到入口處，!@#$%^&*()，太過份，實在太過份啦！原來今日唔開，太太太過份啦！
既然一場黎到，就係門口周圍行下啦！

今日巧大風呀，吹到我面容扭曲！

不過今日真係好熱，熱到屎屎下！

無得入去玩，已經激屎，重要熱屎，係雙重打擊下，我無晒心機！心都灰晒！睇到張相，你就知我有幾灰啦！

行左一陣，返荃灣剪髮！