放假去邊到玩好呢？好啦，就近近地去青衣狗公園玩啦！不過屋企附近遲D都有狗公園，而家裝修緊！好快開張，我夜晚散步時，我有檢查進度，睇下D工人有無偷賴！
今日閒日，都無幾他狗係公園，我自已一個包場！任跑任跳任走，超FREE！
睇我笑得幾開心！
重學人周圍聞下！
點解咁鍾意影我跑步個樣，不停叫我跑！鬼唔知想我減肥咩！不過最近條腰好似真係無左！等我跑多D先！
你地有無發覺我D手腳越黎越粗！個大脾好似TEACUP POODLE個頭SIZE！
最近磅重，照舊23磅，無變！但就無左條腰，我要努力返條腰先得！
好呀！等我抖抖先！我好少係陌生地方攤屍！
繼續同自已玩下先！
玩左個靈鐘，係時間走啦！
今個禮拜我要係屋企返工，做訓覺"石Q"，不過我會做好呢份工，如果唔係無加！
奶茶, 你對眼去0左邊? 新的一年即將到, 你爸爸會帶你去理髮？
回覆刪除[版主回覆02/05/2010 16:18:00]大家忍耐一下，BOOK左下個禮拜剪髮，好快有靚仔LOOK！哈哈！
奶茶，我終於知到点解你咁大隻，全因為你嘅職業需要！做石Q就梗係越大隻越好啦！正所謂唔打得都嚇得丫嘛，咁你亞爸一個月比返幾多$你呀？
回覆刪除[版主回覆02/06/2010 22:19:00]幾錢？無良僱主呀！超時工作，無薪假期，超時無補水，工作時唔準講野等等……我就黎去勞工處告佢啦！
好鍾意奶茶咁多毛毛呀, background 跳起張相好有型呢...我obi都係去雪may 度剪毛, 又係青衣散步, 唔知有無機會認識到你呢 >..<
回覆刪除[版主回覆02/06/2010 22:21:00]OBI你好，睇下有無機會遇到你啦！
青衣有兩個狗公園其實係邊架, 我已經沿住海旁行都係搵唔到既? 隔離有咩屋苑呀!
回覆刪除[版主回覆02/08/2010 13:33:00]係海欣花園海旁，入口係工廠區果邊！
23lbs, 睇唔出wor !! MoMo依家努力減肥中, 未夠三個月已經減咗3lbs啦 ! 會再用多d時間再減多2-3lbs, 因為佢依家都仲有25lbs... he he he !! 超級肥仔!! 大家努力啦, BTW, 邊到個狗公園就開呀????
回覆刪除[版主回覆02/08/2010 13:29:00]MoMo點減咖？教下我呀！荃灣狗公園係荃灣西鐵站荃灣公園入口處呀！STILL UNDER CONSTRUCTON!!!
點減? MoMo食咗2個幾月 K9, 依家就轉咗 ARTEMIS 囉. 因為 K9真係好鬼煩架, 又要整番暖佢令佢完全吸水再等番佢凍先至可以餵佢食..... 同埋我又驚佢食慣咗之後又會肥or Keep住係咁上下, 所以有朋友仔叫我 try吓ARTEMIS Weight Management 喎! 我試咗個多星期咋, 睇下效果再update你啦~
回覆刪除[版主回覆02/10/2010 12:21:00]奶茶唔食得K9！睇下MoMo食ARTEMIS會唔會有好巧果先！
遲 D 荃灣都有狗公園呀 ? 正喎 ! 不過係咪又好似深井果個「狗公廁」咁細架 ?
回覆刪除[版主回覆02/10/2010 12:18:00]都唔好期望太大！深井果個末去過呀！荃灣果個二千零呎左右啦！我見起晒圍闌！重爭D水喉，狗(次)所！
wakaka...咁奶茶同豆豆都幾夾~ 我見到你個BLOG個背景張相,奶茶好勁呀,接住個波~ hahaha 有機會真係好想奶茶同豆豆見面呀! 佢地一樣都大大隻咁~ hahaha
回覆刪除[版主回覆02/12/2010 16:25:00]好呀，有機會見見面，兩隻大B相遇，可能有化學作用，哈哈！