青衣自然徑

星期六，有咩節目好！由於時間關係，只可以D近近地，短短地地方！多謝KAREN EE提議，就去附近青衣自然徑行下，TRAINEE，我就去過幾次，不過次次都係去狗公園，嘜原來除左狗公園WELCOME我之外，重有D地方我玩咩！
我地十二點集合，除左我同乖乖外，當然要邀請青衣地膽MILLY EE！今次帶左呀PEE黎，佢就係ELMO同ELLIE個老豆！嘩，估唔到佢人仔細細，已經係老豆級人馬，勁！不過我都無機會做老豆！聽講老豆PEE係行山高手黎！
大家影返張大合照先出發啦！好彩而家D相機有超級連環快拍，梗有幾張可以交功課！

呢條路好多樓梯，我地三個為左就D行得好似龜速大人，搞到我地不停上上落落，佢地行十級，我地就要行三十級，太過份！唔該你地幾位，速度可唔可以快少少呢！

沿途風景好鬼正，又唔熱，又唔濕，行山簡直"WHERE LEE 骨"！

我地三條麻luck仔每次去到D分丫路都唔知點好，我地三個商量一下先！不過決定權都無我地份！

係時候休息一下，飲淡水先，我個性太自私啦！當我自已抖完，不停催人走，驚C無得行，煩到不堪！個個都怕鬼左我！係咁逼人行！

嘩，青馬大橋在我腳下！

係時間開餐啦！今次KAREN EE準備超級好味駝鳥肉，好食到唔停得口，快D啦！當然唔駛講，我梗係有打包走啦！我係唔會錯過任何一個打包機會，哈哈！

食飽飽，繼續出發！

去到下一個REST POINT！到佢地飲過茶，食個包！真係食個包，KAREN EE準備左每人一個菜肉包，講時講，你掛住食，好似無俾返錢喎！我地三個就係到周圍HEA下！

時間都差唔多，我地開始行返落山啦！

你睇乖乖幾專注，不停望實佢媽咪！

我就一於小理，自已周圍跑黎跑去！

PEE仔都好開心周圍走！

玩到三點幾，我地要趕住返屋企涼，再趕下場！下場係嘜！米趕時間訓晏覺囉！