離開清快塘後，我地繼續出發！原本打算行去青龍頭，可惜時間唔夠，我地行返原路離開！下次再行過乖乖媽咪想帶我地去深井水塘！正，即係話重有機會，期待ING……
我當然無問題啦，只要有得行！邊度都無所謂！
原來落山容易上山難！話咁快我地到左涼亭又休息！
由於獅子王返工！要行先！我同乖乖都好唔捨得！乖乖只係依依不捨眼神！
我有少少喧賓奪主，居然大吵大鬧！又俾人丙啦！
係涼亭發生左小插曲，話說我係清快塘一棵臭草上典黎典去！有人以為我抽根！原來我被臭草臭味深深吸引！咁KAREN EE買左一袋臭草同ROSEMARY！嘩！俾我聞到，九秒九損入去，典呀典呀！個個都笑我！你睇乖乖以為我傻！
KAREN EE實行送D過我，又玩我，打開個袋，散發出臭草味，我唔客氣啦！再狂典過！正！
終於行返出深井啦！
返到深井，大家食過下午茶，見時間尚早，我地去左麗都隔離個沙灘！
你知啦，我都唔識同狗地跑！小白最鍾意喪跑，好彩遇到對手！你睇小白幾開心，佢一定係成日最開心MOMENT啦！
乖乖就唔典草，佢鍾意典沙，哈哈！
玩到差唔多六點，我地返屋企！今日簡直爆！
真係比你呢個大隻仔笑屎我 .. 竟然 like 你 daddy唔like o既味
回覆刪除最衰 有下場 .. 如果唔係一定 join你地去沙灘
[版主回覆04/26/2010 15:15:00]我最鍾意同佢作對！
大把機會，下次再玩過！
奶茶, 您尋晚0訓得好唔好??
回覆刪除[版主回覆04/26/2010 15:16:00]訓到已為我死鬼左添，哈哈！
上網check過原來臭草有驅蟲作用架，私人農耕都喜歡在田邊種上一棵臭草 ！ http://hk.knowledge.yahoo.com/question/question?qid=7007091504118 一於種一棵喺屋企，有病醫病，無病强身！ 聞一聞精神爽利，索一索舒筋活胳
回覆刪除[版主回覆04/26/2010 15:20:00]唔洗啦！佢D襪重臭過臭草！好似咸魚味！唔怪得之我由細聞到大，慣晒！哈哈 所以臭草很香呢！
奶茶你笑c人喇! 得你一個係到典來典去.
回覆刪除[版主回覆04/26/2010 15:24:00]D人覺得我傻，好似上左身咁！哈哈！
呢處都好正喎 又要話埋比企兩個知先得 奶茶你越來越叻,你爸爸話你膽小,但一D都唔覺喎 我諗我比你細胆十倍都唔止
回覆刪除[版主回覆04/28/2010 18:01:00]好正條路，地點又方便！ 我大膽左DD啦，因為多左出去玩！哈哈！
吓 , 你中意對草................................吓唔係, 係典草........HAHA
回覆刪除[版主回覆04/28/2010 17:59:00]好HIGH呀！騰龍駕霧嘅感覺，哈哈！
奶茶, 你 HIGH 草吖 ? 好攪笑, 你竟然鍾意臭草既味 !
回覆刪除[版主回覆04/28/2010 17:56:00]無得索K，又無得隊草，唯有索臭草，哈哈！
點解腳仔損晒仲跑得咁快
回覆刪除[版主回覆04/28/2010 17:53:00]原來快樂真係可以蓋掩痛楚，哈哈！