感恩的一天

當我係GOLDEN NICKY完涼後，發覺黎接我只有我契媽，我一見到契媽莫明興奮！記唔記得我上一篇講過我出門口時大包細包，原來裡面有我床，食飯DAU同飽悲雞！話說下星期有人去大玩(台語)美食三天遊，私自同我報名參加深井超級美食豪華三天遊！對於我黎講，簡直係天大考驗同挑戰！四年裡我從未試過係外面過夜，所以佢地今日安排左我試團！

我知道有無數憂心，會唔會喊、會唔會唔肯食野，會唔會成日訓係門口，會唔會唔開心，會唔會唔慣，會唔會同乖乖相處唔黎，會唔會周圍大小便，會唔會搞到獅子王一家無覺好訓，會唔會……太多太多問號同擔心！

當佢地係晚上接通第一通電話後，原來全部擔心，憂心，通通係多餘！終於三方面放下心頭大石！

到今日四點鐘黎接我，雖然我好開心，但係開心之後，居然我係到喊，唔係吠！係哀鳴左好耐，好唔捨得走！不停咁痴住契媽，唔想走！真係笑屎人！到上左車先至肯收聲！

原本我以為佢會唔開心，見到我唔肯走！典知無唔開心重相反非常開心！佢同我講，話我好似小朋友，我識得分辨嘜野叫做真，善，美！識得知道邊個對我好，識得感恩！懂得感恩係世界上所有動物包括人類最高境界，所以佢好開心！而我更加開心，不過返到屋企已經好好眼訓！

期待ING下星期深井超級美食豪華三天遊！

想知我有幾開心，請CLICK入以下網址！

PART 1: http://hk.myblog.yahoo.com/acl_65/article?mid=17235

PART 2: http://hk.myblog.yahoo.com/acl_65/article?mid=17238

PART 3: http://hk.myblog.yahoo.com/acl_65/article?mid=17239

PART 4: http://hk.myblog.yahoo.com/acl_65/article?mid=17240