為左彌補自已去左玩，襯大假重末完，天氣又咁好，所以帶我出去玩！左諗右諗去邊樹玩，就帶我末去過西貢！
我地首先打的去彩虹，諗住轉小巴，點知綠色小巴一見我，耍手又擰頭！我地唯有再打的入西貢！一上到的士，鬍鬚司機話幾驚我地唔上佢架車，原來佢都有POODLE！沿途不停大家交流，又摸我，重話做埋我呢轉就唔做生意，趕返屋企見下佢隻POODLE！佢不單無收我五個太陽，重少收我地錢！落車有客話去港島都唔去，趕返屋企見狗狗！真搞笑！
西貢，我終於黎到！
天氣真係好好！等我影下相先！
好靚碼頭！佢話俾我聽，以前矛咁靚！
矛咁多人海濱，我可以自由行啦！
係時候抖抖，飲下水！
怕我變熱狗，準備左雪種過我！涼透心！
好猛太陽，又唔記得帶我副超，借副超過我型下！
風景真係唔錯！
向海灘果邊行下先！
涼風浸浸，巧爽呀！
唔掂啦，快D同我間餐廳SIT下！
同我合照下啦！
離開餐廳，再係市中心WALK返個圈！
係時候閃人，頭先綠色小巴唔歡迎我，等我試下紅色小巴先！
係矛問題！哈哈！
話說我最近進步神速，連搭車都無聲，超乖，超超乖！所以買左件蛋糕獎勵我！哈哈！
鬍鬚司機好好人ar!! 奶茶帶眼鏡果張好型爆
回覆刪除[版主回覆09/16/2010 00:13:00]係呀，鬍鬚司機好搞笑！不過佢成日話我好大隻，哈哈！
天氣再涼D可以去西貢獅子會，嗰度好靚，好多草地可以跑。Le個補償 trip都唔錯，玩完仲有cake食，算係咁啦！
回覆刪除[版主回覆09/16/2010 00:15:00]咁，我約定你同獅子王乖乖去獅子會，OK！哈哈！
奶茶爸，你可以坐紅VAN由旺角去西貢㗎！ 遲啲仲可以去大浪西灣添！果度真係好靚㗎！
回覆刪除[版主回覆09/17/2010 15:15:00]大浪西咁靚，梗係要約埋L&T啦！哈哈！
奶茶可以算是增廣見聞
回覆刪除[版主回覆09/17/2010 15:16:00]係呀！我重想增廣見聞多D！哈哈！
應該拎定嗰個司機電話~ 下次要車搵佢嘛~~ 唔係個個司機都咁鍾意狗架
回覆刪除[版主回覆09/17/2010 15:17:00]係喎！一時唔記得，太多野傾！哈哈！
真係好好天喎~~我平時搭緣綠色小巴又得喎~
回覆刪除[版主回覆09/17/2010 15:18:00]可能我太大隻啦，哈哈！
嘩真係爽喎，無乜人又咁好天氣，奶茶你一定walk得好happy啦！
回覆刪除[版主回覆09/17/2010 15:19:00]係超HAPPY呀！有機會想同肥寶一齊WALK WALK！哈哈！
我見到啦，奶茶老豆戴咗隻PAM，又貴又唔保值，快吓換隻PP喇！
回覆刪除[版主回覆09/17/2010 15:21:00]PP佢都想！就算我唔食糧只係食空氣都買唔到，哈哈！
西貢我都去過幾次，我好喜歡個 環境，可惜，唔可以同佢地去到，除非屈蛇，哈哈
回覆刪除[版主回覆09/17/2010 15:23:00]舒服呀！唔好屈蛇呀，俾人拉左三個小可愛就閉家伙！哈哈！
芬達: 企兩個剩係識帶我嚟呢度架炸
回覆刪除[版主回覆09/17/2010 15:24:00]你就好啦，可以成日去咁疏符地方！哈哈！
有個補償 trip, so good!
回覆刪除係呢...奶茶返歸後, 有冇唔like食糧呀
[版主回覆09/17/2010 15:25:00]你真明白我遮！頭兩日唔肯食糧，哈哈！
奶茶，你個新背景好靚呀，尤其是一進入個一刻
回覆刪除[版主回覆09/19/2010 23:25:00]些些！重想DELETE添，驚你地睇得眼花！哈哈！
P &M : 奶茶, 西貢幾好架真係, 空氣又好, 你叫爸爸多D帶你去啦...ccc
回覆刪除好喜歡睇你個blog既唧, backdrop好靚呀, 又有好好聽既音樂, 讚!
[版主回覆09/19/2010 23:27:00]西貢真係好正呀！我要去多D至得！ 最緊要你地睇得開心，不過D大家鍾意歌係最難一PART！哈哈！
西貢真係唔錯的地方, 又有地方比小朋友跑下, 仲有地方比大人食下嘢 下次去獅子會跑吖, 個到仲大地方d ka
回覆刪除[版主回覆09/19/2010 23:29:00]拿拿拿！約好啦！下次一齊要去獅子會！YEAH！
毛毛: 我地要早d吹雞約定d 朋友先
回覆刪除[版主回覆09/20/2010 00:05:00]梗係要吹雞啦！
原來平時咁少人架！ 我地去親一定週末，人多狗多，但呢度好歡迎狗地，我都好like去架！
回覆刪除[版主回覆09/24/2010 21:49:00]係呀！平日唔多人唔多狗，吹吹海風，特別醒神！哈哈！