點解！

又係呢個黑色討厭公仔，我至憎佢！星期一夜晚發現我有肚痾，所以要進入觀察期，到星期二，都係軟便便，所以諗住食蕃薯，到左星期三朝早矛痾，以為有好轉！如果再痾就睇E生，點知到左今朝零晨就開始不停痾，不過今次同上次唔同，上次有血，今次就係朱古力醬，阿四成晚不繼執拾，留返晒D片俾E生睇，幾經辛苦終於等到十點鐘診所開門，即刻打去E生，點知一路睇開個E生要四點先返，但我好精神，不停跑跑跳跳，咁唯有等到四點先睇！即刻牙都矛擦就落街買人類寶曠力過我飲，不過我唔飲！
一位有心人聽到，偷偷地係深井搭車到我樓下管理處放低左枝寵物用寶曠力過我，我真係感動到不得了，又千萬個唔好意思！邊過，唔洗講你地實估到！邊個咁怕熱都係太陽底下跑過黎，你話我有幾內咎！

係等期間，都矛再痾，大家訓左陣，終於幾經辛苦等到四點，E生檢查同化驗完D CC ，話無嘜事，係腸胃炎，要食藥！今晚要食雞柳加白飯，份量係平時一半！

返到屋企，黎過大消毒，洗呢樣，洗果樣！

我唔落得地，唯有訓下！

終於有飯食啦！

唔洗一分鐘就K.O晒！食完飯就食藥！

但係食左藥後一個鐘都係痾左兩次，幾時先停架！嗚嗚！

呢段期間有人偵探上身，不停諗係零食A，零食B定零食C有事，最後終於諗到將所有開封零食掉鬼曬佢，以後所有開封零食要放入雪櫃，其實有矛D零食係獨立包裝呢！

最近有人生日，切左四個蛋糕，許左四個願，都係想我健健康康，點解唔靈驗架！