HEA遊青衣

悶左我幾個星期有多啦！再唔出去玩，我就會發癲！好彩今朝晨咁早，有人係"不流洞拉"返黎，雖然超級眼訓，但見個天咁好，無奶油浪費左，吹雞黎過黃昏HEA遊青衣自然教育徑！本來呢個節目應該上個禮拜舉辦，因為天公不做美，唯有順延至今日！不過下晝太陽伯伯太厲害，怕左佢，我地約左四點半先至出發！
以為自已好醒扒，黃昏先去行山，原來已經有差唔多一百個攝影學會人都同我地一齊出發！

我地係到抖下，讓班人行先，費時一陣同佢地爭路！

乖乖你帶爸爸副超有D鬆！你睇我，因為我同你老豆個頭一樣咁大！哈哈！

我諗班人都行左好遠，我地可以繼續慢行！

呢條路我已經熟到可以合埋眼行都得！

同埋我地唔雖要出聲，我會自動自覺知道邊到停低休息！重有野餐，契媽出品，必屬正品！

又開始慢慢行！

呢條路最辛苦樓梯又到啦！你地要加油！

上完樓梯又抖！哈哈！

今日真係行得超HEA呀！

又抖！其實今日抖時間多過行時間！不過原來黃昏時份行山，真係一D都唔辛苦，間唔屎重有涼風相送！正！

要落山啦，唔經唔覺咁就HEA左兩粒半鐘，差唔多七點，太陽伯伯收工就閉家火！要摸黑落山！快閃！

又行山又有禮物收！大骨骨加遠方送黎端午，今晚有食，正！