神婆的兒女

相信神的兒女，大家一定聽過，一些好誠心追隨心中所敬仰的神！咁神婆的兒女，即係好相信神婆，而神婆故名思義即係八卦兼迷信，他的兒女正正就係果D又迷信又八卦人！我家正正有一個，超級好聽D就叫好奇心，其實米即係迷信！
佢好相信風水同命理，所以學人用左幾年時間走左去學呢D佢覺得有興趣野！不過始終係半桶水！哈哈！
有追開我個扑都知道，一D傳統野，都要我跟住去做，例如過年前用蘿柚葉涼等等！

上年身體出現小毛病，當然去左睇E生，不過都有顏究下有無風水問題！

你睇我訓得幾C服！

你地估下床底放左嘜東東！

壓歲錢同心經保平安！

銅版一塊，用黎化解病氣！

太歲符一個，當然有幫我攝太歲，因為今年我犯太歲呢！

安忍水，同樣化病氣呢！

可能你會覺得誇張及搞笑，但對於佢覺得做多好過做少，只想我平平安安，身體健康！一D簡單野，可以祝福我身體健康，佢一定會照做！但求安心！

幾個禮拜前佢同C傅同同學仔團拜，當然大家有研究下流年運程，當發覺話佢D仔女今年唔係咁好，登時腦裡不停咁轉，終於俾佢諗到，今年佢米做怪獸家長米矛問題o羅！所以茶包今年係我細佬，我升呢做大佬(發夢中)！



 

註：風水命理並非精密科學，信則有不信則無，命運始終係掌握係我地手中！(安得得成日講)哈哈！食多D正野，去多D玩，米會身體健康！哈哈！