踩馬屎...........洲

上星期踩完龍脊，今個星期就踩馬屎！又龍又馬，米龍馬精神！哈哈！不過天文台話今日間中有雨，又凍！不過好彩，雖然太陽神無眷顧我，不過矛落雨已經好好！
去馬屎洲一定要經三門仔！有路牌指示，包無行錯路！

點解三門仔舊石咁屎色，難道用馬屎做！

今日PE家族派出ELLIE做代表！

E生B都有一齊行！

你地行快D啦！好大陣咸魚味！

三門仔博物館！入去八下！

經過D排屋，開始上山！

全部泥路！

到左三門仔山頂！

已經望到馬屎洲啦！

快D落山！

噢！D水好清，如果唔係俾人喝住，我已經舉行左今年下水禮！

後面米八仙嶺！

經過連島沙洲，到左馬屎洲啦！講時講呢個連島沙洲係香港算係好罕有，以前大雨同潮漲，沙洲會俾淹埋，要用艇過，不過後尾D人放左好多大石，就矛呢個問題！哈哈！馬屎洲係香港地質公園，話時話香港有八個地質公園，計埋呢個，我已經去左五個香港地質公園，包括東坪洲，橋咀，東霸，印洲塘！而其餘三個都好難去到，只可以坐船遠觀，因為矛得行！

跑呀！

呢條就係馬屎洲郊遊徑！

全路沿住海邊行，超E時，有D似東坪洲！

呢到有度石頭門，我地輪流PASS！

全段都係泥路同石路交替！

終於行到盡頭，後面米就係大尾督堤霸，上年先行過！

沿返入黎條路返出三門仔！

拜拜馬屎洲！

其實今日我唔係行山，係跑山至！

出返漁村，最初諗住個零鐘行完，原來來回都要三粒鐘，食埋過LUNCH就閃人！

成個島都無馬屎，不過我四隻腳同踩馬屎矛分別，烏糟到不得了，完涼，爽晒！