陰仔灣游遇陀地

今日咁熱，可以選擇我諗都係得游水，但係去邊度游都係一個問題，不過吹得雞黎都成三點鐘，遠地方就無得諗，近近地睇睇附近有無好地方！記得欣澳附近有個海灘！就一於去睇睇！由於晏吹雞，得乖乖同我去玩！終於第一站去到陰澳灣！

個灘好多垃圾，NO WAY！即刻轉場入去鹿頸灣定陰仔灣好！

沿鹿頸村條路牌直入！記得做資料搜集前，知道鹿頸村有村狗！果然一轉入鹿頸灣，一家三口陀地狗飛奔向我地狂吠！咁唯有轉戰陰仔灣！婆婆叫佢地一家三口返屋企！

經過燒烤場終於到左陰仔灣！一個無人正沙灘！

D水都好清，見到有魚！正！

乖乖快D游啦，好正呀！

玩左十分鐘左右！加上我興奮得滯，吠左幾下遮！陀地一家好快走趕到！

佢地一路監視住我地，我地行遠，佢地又跟，我地行近，佢地又跟，我地落水，佢地又落水！

不過佢地頗友善，但我同乖乖就難控制！話晒人地地頭，都係走人！

沿路返出去，佢地又跟，我地行，佢地又行，我地停，佢地又停！到左車果度，我同乖乖沖身，佢地就係車附近行行企企！沖完身，我地開車走！我地架車一路行，佢地一路追，一路吠，好似叫我地唔好走咁！追左一段路就無再追！

我地又末夠喉，再係欣澳跑番陣先！

成條路任跑！

好耐矛跑得咁FREE！

跑左一陣，太陽又末落山，一於去下朋友仔！

喂喂喂！影得好尊心，叫你地咁多聲都聽唔到！

毛姐同ELLIE去左影飛機，等我地黎探探班啦！

咁難得黎探班，梗係有小食時間！

嘩，好大隻飛機呀！

噢太陽落山，我地探左一陣班就走啦！

去深井食埋個雞煲就更加PERFECT！

噢，好夜啦，要返屋企沖涼吹毛同至緊要"典拿"！