日落過路灣

我都話我每天都係學習，你一舉一動，已經俾我知道一清二楚，唔洗睇日曆就知道今日係返工定放假！如果矛鬧鐘又安樂醒，咁一定係放假！一放假就罷食早餐，係到等等等幾時出街玩！好似放假同出街已經劃成等號！今日等左成日好似無嘜動靜，搞到我坐唔安食唔落！
終於過左四點，有人確定唔洗返工，即刻諗下去邊，既然七一，就上街遊行！不過我地唔過海，去左大嶼山！呢個地方又係話好想帶我去，係佢公司附近，每次搭機鐵經過都覺得好正！即時上網路，原來就係過路灣！等我今日探探路，如果掂，下次帶D朋友仔黎！

佢話每次搭機鐵經過，都見到條路無車，當我地幾經辛苦終於去到過路灣，唔怪得無車，原來係私家路，要証件！拿拿臨掉頭走人，泊左架車係佢公司樓下再行過黎！

真係無車架！

呢條路太陽曬唔到，可能成六點幾！

不過行出海邊少少就有太陽曬！

可能呢幾日落過雨，又有風，行得都幾C服！

呢條路好多人跑步踩單車！不過最好就係無車！

後面就係屯門，不過隔左個海！

風景超級正斗！

繼續沿住大直路向前行！

後面就係東涌碼頭，不過隔左條河過唔到去！

係時候，行返轉頭！

嘩，好多飛機飛過！

呢個係新民航處總部！一場黎到，影返張相！

點解七點幾個天重咁光！