電芯少年之鹿湖郊遊徑

勇闖高峰就係今日之旅，每次去大浪西去西灣亭都會途經呢條鹿湖郊遊徑入口，一望就是無盡頭樓梯，見到都驚驚地！但今日唔知發咩神經，一於挑戰呢條郊遊徑！既然鼓起勇氣去，一於上網睇下知料，原來起步條樓梯，簡直濕濕碎，好戲在後頭！一條挑戰性郊遊徑，就由我地三個電芯少年負責探路！既然寫到三級，都唔敢掉以輕心！一於由我，ELMO同卡卡黎接受挑戰！官方寫三粒鐘，睇下我地行幾耐！出發啦！

一開始望唔到頂樓梯！卡卡話係米講笑喎！

小小一條樓梯，行快D啦各位！

其實條樓梯屬小兒科，話咁快就行完！

天氣好好，超適合行山，風景好正！

噢，話明鹿湖郊遊徑，會有隻鹿帶你行，唔怕盪失路！

呢D小樓梯，沿途不時出現！

見到蚺蛇尖，唔係行去果到呀！

你地睇下對面打直上山果條路，我地唔係行果度呀！矛眼睇！應該唔係瓜！

咁快落山，米玩啦！

就係落泥呢條好出名雙鹿石澗！有人係到主飯食！

跨越雙鹿石澗又繼續上山！

呢到係荒廢左鹿湖村！

上山路係咁天氣下，行得好爽！

不過距離頭先見到打直上山路越黎越近！

終於黎到呢個三叉位，亦即係打直上山天梯開始，抖抖先！

起步啦！大家協議好，唔洗講野，唔好傾計！

我地三個少年不知愁之味，重上上落落！

實情天梯應該係到取景，又直又斜，無盡頭！

用左十五分鐘終於行完！

一定要休息下，好彩夠大風！

休息後，呢D樓梯以經唔算嘜！

到左鹿湖營地！

係時候落山！

到左引水道！

繼續沿山路向魚湖方向行！

我地用左兩個鐘點九個字完成，俾官方快左三個字，不過總括黎講，整條郊遊徑有三份一係樓梯，唔適合初行山者，而我應該唔會再行，係一次好開心經驗！