如果沒有第一次，怎會發生第二次！記得，真真正正帶奶茶外出玩，已經差不多兩歲有多！一次，家人邀請奶茶一同暢遊錦田俱樂部，出發前，有著很多問題，一些幻想中的問題，例如，該放繩嗎，走失了怎辦，燒烤時掉進火爐裡怎算，俾幾他狗咬著不放怎辦，草地不是一定有牛蜱嗎…當見到第一次奶茶真真正正在大草地無憂無慮的跑，原來當初的問題，已經沒有理由再成為一個問號，應該換上對自已的感歎號！不是這個機會，城市中的我，錦田究竟在那處！
有了第一次，應該會有第二次！大草地奔跑，印像深刻，每次記起，都想著下一個大草地！過了不久，由於當時的我，養狗的朋友近乎零，可以邀約的只有我的好朋友，為了有伴前行，記得邀約我的好朋友及他們的小朋友，一同出外郊遊！第二個自由奔跑的大草地，傳說中的南生圍！我的第一個印像，這裡是香港嗎，只有古裝電視劇見過，怪不得這兒是古裝劇取景的地方！城市中的我，南生圍不存在幻想中的角度！
開始了，真正的開始了，奶茶開始真正的與我結伴同行！每次都快樂的同行，每一個新地方，都會令我大開眼界！他的腳板不只限於荃灣！而我的香港亦不只限於旺角尖沙咀！
直至到三年前的一天，終於有幸係網上俾邀請行山，地點南丫島，興奮但有無數顧慮，第一次坐長途車，第一次一起坐船，過程會怎樣，出發前沒有肯定答案，行山的時候是否要上繩，萬一走失了怎辦，如果奶茶變成流浪狗，他會怎樣，能生存嗎！他末必知道，但我肯定失眠了幾個晚上！又是原來當初的問題，已經沒有理由再成為一個問號，應該換上對自已的感歎號！好清楚記得，由放繩一刻，奶茶充滿自信， 那份開懷大笑，昂首闊步去行前面末知的路，到現在我還記得很清楚！記得很深刻，原來奶茶喜歡探索，記得動物傳心師曾經講過他愛探索，愛遊歷！
自此，我們之間，開始四處遊歷，四處探索，每一次，都給與我充滿正能量！過程雖然有時艱辛，有時平坦，有時如意，有時不如意，但每次都存在記憶中！小腳板愛遊歷也影響著我的價值觀！記得年少時，行街睇戲，浦天光，打通宵麻雀，得到的，好像俾失去的少！原來香港不只有旺角，尖沙咀銅鑼灣！
就正正因為小腳板與大腳板，給我發掘一些我原本不知道不打算不可能去的新地方！因為這個信念，希望有生之年，大腳板與小腳板可以踏足每一個地方，多年以後，回想每一個地方，都有奶茶與我同行！所以我一直堅守著信念，堅定不移繼續向我們的世界發出發！享受著每一個經歷！如果我沒有遇上我的伯樂，就末必發現我的大世界！外人末必明白，但我們一定清楚知道！
我與奶茶同行不定期更新！
我未養狗之前最憎就係行山, 去得最多就係旺角, 所有我唔LIKE既野, 到養左狗之後成為我最喜歡既事, 我記得第一次去到西貢, 先知西貢有碼頭, 彭福公園再唔係小學生每年去旅行先去得, 狗狗都可以去, 所以每位毛孩都有一定既影響力, 小小既奶茶, 你真係叻仔, 令到茶包有咁大同咁正面既改變, 不得不讚小奶茶, 希望你地KEEP住小腳板同大腳板遊歷香港每一個角落呀.
回覆刪除[版主回覆01/28/2013 13:40:00]係呀！旺角都係我去得至多嘅地方，唔係奶茶我都末去過彭福！
小腳板與大腳板已追回很多兩歲前的時間，你哋一齊行過嘅路已比好多人一生去過的地方還要多！支持你哋繼續向世界出發！
回覆刪除去南丫島之旅嘅片段仍歷歷歷在目！船上雀仔叫仍在耳邊響起，但最記得的卻是奶茶好像發現新大陸嘅閃亮眼神同開心到不得了嘅笑臉！有幸和他一起經歷了他狗生的第一次離島遊！
[版主回覆01/28/2013 13:42:23]係呀！好記得第一次以為帶左隻雀上船！諗起果次離島遊真係好開心！
希望可以行更多嘅地方！
小腳板與大腳板每一個遊歷的地方，都帶給大家一個開心愉快的回憶﹗
回覆刪除[版主回覆01/28/2013 13:42:59]希望你地都感受到快樂！
看後又記得我和woody第一次得到邀請和你們一齊去party，心中也存在住一大埋疑問，和你一樣，放繩？自由行？走失左點算，個山咁大，但原來一切都是多餘的，你看到牠自由奔跑後，牠仍會回頭看你便知道答案
回覆刪除[版主回覆01/28/2013 13:43:57]我諗你同我笫一次有相同嘅感受！
全靠奶茶，你至唔駛做荃灣井底之蛙
回覆刪除[版主回覆01/28/2013 13:44:28]哈哈！講得無錯！
嘩! 第一段好似講緊我既經歷咁!!! 可惜我就是沒有第一次的遠行,而且10多年前更加少人養狗,我係全完冇養狗的朋友,就算有，佢地仲衰過我,交晒比家人照顧,完全唔理個D! 當年我仲讀緊書,年少無知! 更加不懂珍惜和狗狗去街的時間,我又好緊張佢會有事...我已經悔不當初!
回覆刪除你話我冇心帶,我都好認同,是責無旁貸的! 依家我住既地方係好好環保,又可以養狗,但在這島上是沒有可供狗狗的交通工具,只有船,最近都比人CUT埋荃灣船! 唉!!! 不過無論如何我都會盡能力, 不管我身邊的人不支持, 因為"麻煩" 2個字時常出現,我希望我盡力係佢年老時過多D開心日子! 謝謝分享！
[版主回覆01/28/2013 13:46:34]就算唔係成曰出街，係島上行都好開心！盡量珍惜相處時間，爭取多些快樂回憶！
南丫島之旅亦係我第一次認識奶茶, 當時唔講 .. 都唔知原來奶茶未試過出遠門, 仲要懶勁成日行第一
回覆刪除依家有MT Car 可以去更加多新地方, 留更加多大腳板與小板板o既腳毛喇
[版主回覆01/28/2013 13:49:05]第一次都比你見到！三年真係留左好多腳毛係好多地方！
毛小孩令我地身體健康咗, 生活圈子大咗.. 有佢地就等於擁有幸福..
回覆刪除[版主回覆01/28/2013 13:49:43]無錯，絕對正確！
我地其實剩係去彭福跑, 多得奶茶帶我地一家去唔同嘅地方, 每一次出發前都充滿期望, 每一次旅程中都充滿歡樂
回覆刪除[版主回覆01/28/2013 13:50:17]唔好咁講，至緊要每次都玩得happy!
小毛孩絕對可以改變人類嘅行為,包括我
回覆刪除[版主回覆01/28/2013 13:51:27]也包括我！
因為數年前香港人對毛小孩的定義仍然係「住籠就得啦! 駛乜落街散步! 」=_=
回覆刪除而家就好好多, 多左人會覺得毛小孩就係家裡一分子, 甚至好似茶爸你地咁令大家明白到毛小孩都可以四圍去, ( 仲有, 我係因為呢度, 先知道佢地有咁多美食可以食*0* )
[版主回覆01/28/2013 13:51:17]我都係養左狗先知可以四圍去！
期待更多更多大脚扳與小脚板嘅遊歴...
回覆刪除[版主回覆01/28/2013 13:51:35]會好努力！
回覆刪除[版主回覆01/28/2013 13:51:46]
奶茶帶給你健康的生活
回覆刪除[版主回覆01/28/2013 13:52:25]相信毛之家各成員都一樣！
的確, 唔係我哋帶毛孩去見識新世界, 係毛孩帶我哋去見識唔同嘅世界
回覆刪除[版主回覆01/28/2013 13:53:30]係以前唔知道有不同嘅世界！
奶茶有茶包真幸福~~
回覆刪除[版主回覆02/01/2013 15:07:52]咁又矛咁誇張！