星期日一早起身，望下有無落雨，見矛落雨，又涼浸浸，一於問問電芯家族有無地方去！提議話去挑戰針山，一直都想挑戰下，不過末做巧心理準備！既然係咁，擇日不如撞日，唔好諗咁多，襯天時地利人和，一於奉陪到底！末出發先興奮！可惜……臨出門口之際，有人電話響起，要夜晚返通宵工，返一放十一！咁典扇，反正約好左，幾大就幾大，燒賣就燒賣！玩完先返工！
我地係城門水塘小巴站出發，向主霸出發！
由於車路，上繩行安全D！呢到黎個好幾次啦！
向主霸入口既山上，有巧多陀地駐守！
一入霸，可以自由人！
呢段麥理浩七段就係我地既入口！好多途人以為我地行上畔塘徑去城門水塘，好心提我地前面有百幾隻馬騮！不過針山先係我地目的地！
上山就係樓梯路，一條行極都唔會見到頂樓梯！
我同呀PEE一於少理，樓梯當食生菜！
行左一陣，要剝光豬！
可能要返通宵，有好大心理壓力，所以都抖左好幾次！
終於見到一小段平路，沙田大圍就係腳下！我地行樓梯由荃灣行到沙田！
一轉灣，繼續係無頂樓梯！
噢，終於有D眉目，見到對面尖不LUCK個山頂，就係針山山頂！
身後面就係沙田！
好快就到，後面就係今日要挑戰地方！
影完相，繼續努力，我又一馬當先！
重差幾步就到，風景簡直超正！
後面就係城門水塘同我地行上黎果條路！YEAH！
我地用左一個鐘頭十五分鐘，到左532米高峰針山山頂，梗係要影返既相！好值得到此一遊！
企左係測量柱，好接近個天！雖然矛太陽，影相麻麻，但如果有太陽，就會行得巧辛苦！
我身後就係落山果條路！
大休過後，係時候落山行返去城門水塘！
見到草山個牌，不過由於時間關系，下次有機會先挑戰過！
落山全部係大斜路，巧EC！
由畔塘徑再接返菠蘿霸自然教育徑，去返小巴站！去到菠蘿霸管理站，居然有職員問我係米奶茶，重好興奮話開心見到我！原來佢地幾個有睇我個"扑"，多謝支持！
太肚餓啦，係小食亭食埋下午茶！由起點到終點只係用左三個鐘頭九個字！勁！不過有人要返通頂，哈哈！
勁勁勁比我行，一停多一倍時間先得
回覆刪除[版主回覆03/05/2013 15:24:31]你同woody都得嘅，唔洗一倍時間！
好勁，我咁大個女都未行過咁多路
回覆刪除[版主回覆03/05/2013 15:25:31]哈哈！下次約你一齊行，包你話爽！
奶茶去到邊都遇到粉絲，好勁呢
回覆刪除[版主回覆03/05/2013 15:26:21]咁啱得咁橋遮，我個嘜頭又易認！
我後生時有行過針山, 由菠蘿斜上, 行到我話以後唔行山, 奶茶你好野!
回覆刪除[版主回覆03/05/2013 15:27:22]如果掉轉行，應該矛咁辛苦！你再試下行一次！
" 電芯家族 " 好型呀... 個朵
回覆刪除[版主回覆03/12/2013 12:59:42]個名絶對襯哂你一家！
奶茶,你重叻過我呀
回覆刪除[版主回覆03/12/2013 13:00:12]有機會我都想行草山！
嘩... LE 條攞你命天梯,唔係人人敢挑戰, 奶茶利害, 茶包更利害, 我惗你開通宵顆時一定剩反半條命
回覆刪除[版主回覆03/12/2013 13:01:36]條天梯慢慢行都唔係巧辛苦！
不過行原返通頂又真係命都無！
又一項成功挑戰，恭喜哂
回覆刪除[版主回覆03/12/2013 13:03:10]重有巧多地方想挑戰！
奶茶真係勁.............挑戰針山 , 睇完啲相............真係唔敢行呢~!!
回覆刪除[版主回覆03/12/2013 13:03:54]其實都唔算難行！
奶茶，你靜靜雞話俾契媽知，有冇人行完針山要瞓返兩日床？
回覆刪除[版主回覆03/12/2013 13:04:52]訓兩日床，佢地都想，可惜要返工！
哩個針山挑戰真係唔講得笑..奶茶你同呀PEE真係
回覆刪除[版主回覆03/12/2013 13:05:36]係頭段辛苦D，其實比想像中易行！