霧遊逆走麥徑八段(17Mar2013)

繼兩星期前勇闖針山行後，心思思一於想去埋上次唔夠時間完成o既草山之旅，一般人都會"針草帽"咁行，針山草山大帽山！但針山行左，靜係想帶"草帽"，唔想係成門水塘上，不如由大帽山落，心諗一定巧EC，全程落山係米！我地晨早打的上到大帽山，今次終於上到黎呢到，不過天陰陰！唔緊要，唔洗曬住行米幾巧！

有人如意算盤打錯左，以為去到最高可以開始落山！原來重要行斜路去到大帽山山頂先可以落山！

我同ELMO好少理，一於狂奔上頂！

越行越上，但前越黎越朦朧！

能見度已經無嘜，前面嘜都睇唔到，我地已經係舊雲入面行緊！

濕到應該係百份之一百呢！好彩超大風，吹到我面都側埋！

重要用真寶珠整鬼我，我要補充糖份，快D俾我食幾啖，唔係我會暈低！

真係雲遊大帽山！

用左一粒鐘終於上到頂，大霧到天文台個波波都唔見埋！

企係全香港最高o既位置，當然要影返張相，可惜咩景連波波都影唔到！你地我地D頭髮全部濕曬，好似俾雨淋咁，巧搞笑！

上到黎全香港至高點九百幾米，全部人係我腳下，可惜咩風景都睇唔到，不過能夠係雲入面行走，都係一個好好o既體會同回憶！

上到山頂當然矛得再上，係時候開始落山！

呢到真係超級春天！

唔洗一陣，我地到左四方山啦！

休息一陣再上路，出鉛礦坳，官方時間兩個半鐘！

前路墮進萬里霧中，像白茫茫！原來係咁解！

如果好天，呢條路一定好靚，所以我有機會，一定係一定再行過呢條路！

好多大石頭！

開始落山啦！越落得多，視野又越清晰！

雖然巧大霧，但都有小販開檔，我同ELMO每人買左兩對UGG BOOT！今季至流行！

D泥同草已經醬實晒！污JOE到不得了！不過一於少理！

差不多到鉛礦坳！

噢我地終於完成麥理浩徑八段，過對面就係七段上草山！

挑戰成功梗係影張相！

係四方山又話要兩個半鐘黎呢到！

我地慢慢行都係一個鐘頭三個字就黎到鉛礦坳！聽過鉛礦坳巧多次，當然影返張相！

本來打算上草山，不過真係要打消念頭，濕度高，呢到又唔似大帽山咁大風，又陰天，D風景實唔靚！咁去邊好！又出番城門水塘，不如行埋去大埔，反正曾幾何時想由城門行去大埔，就今日行埋！見佢寫粒鐘多D！

全落樓梯，嘜風景都無！真係矛下次！

最後我地慢行用左四粒鐘由大帽山行到大埔！

返到屋企沖涼時果D水係黑色，都唔知洗左幾多同過左幾多次水先除LUCK果對UGG BOOT！