呢排唔知搞嘜鬼，一時同我玩波，一時掉公仔！今日重搞笑，話要考考我記性，睇我有矛老人痴呆！記得細細個返屋企，日日都係玩呢D把戲，每幾日教一樣！重覆又重覆！
荃灣區出現網球低手！超愛網球，但唔洗用網球拍，唔洗用手！只係出口，呢位網球低手，君子一名是也，因為動口不動手！本人正正就是荃灣費達拿！
回歸大草地，個個笑容滿面，雖然有幾他人，但無影響大家心情！
繼上次中秋熱爆大欖之旅，今日一於再反抄返上次路線！今日天氣出奇地好，又唔熱！同上次熱到嘔電簡直天淵 之別！上次行左五分鐘都透唔到氣，今日可以一口氣行到上大草地，勁！
個個一D面容扭曲都矛！
阿四鐘意吹水係人都知，借我過橋話帶我散步，實情係悶到周圍同人吹水……，你知啦佢個口唔！不停吹吹吹！話說幾個禮拜前，又拖埋我去吹波！同人講，話用蘋果醋抹腳好好！又介紹呢樣果樣扮專家！人地問我食嘜狗糧，佢都離晒題，不停咁滔滔不絕，吹呀吹，又話牛肉，羊肉，南瓜，紅蘿蔔，………太多太多不能盡錄！
屋企房係我禁地，立入禁止！但我成日都借頭借路扮盪失路，又抑或扮失憶若無其事咁行左入去！因為果度我知道係我寶藏，收收埋埋好多正野！所以有人行去房，我例必死跟，死跟之餘，企定定係房門口，再扮乖巧，加上流露誠懇眼睛，一點點笑容，一定呃到一粒半粒小食！有時好彩可能有條骨o趙下咁！
由於天氣奇差關係又落雨又凍，今個禮拜超悶爆，無街去之餘，係屋企捕蛋！遠地方矛得去，近近地都係係樓下行下，超橙！
今日係情人節，阿四要返工，重要做四隻海狗，何謂四隻海狗，米就係四隻海狗，做到你嘔！
香港去海口，海口返香港，香港再去海口，海口再返香港！問你怕末！聽到都驚！不過佢有兩個同事都有貴富，所以決定帶埋我地三個返工！
我超開心，有得返工！不過原來一D都唔好玩，重辛苦過擔泥！當做完四隻海狗後，就變左咁樣！男同事係包仔仔，女同事叫維維！
