INTERNET呢幾日食左豬油，慢到不得了，襯今日正常返，快D UPDATE返個"扑"！剛剛過左禮拜六同禮拜日，因為矛假放所以又無得出去遠地方玩，星期六又係悶爆，都係係屋企附近行下！不過都幾熱，所以行左一陣就返屋企！
呢棵入門口大樹話晒都係彭福地標，但係一次都末係到影過相，襯今日無人，等我係到打打咭先！
上過禮拜矛去玩，襯今日放假，一於帶我去玩下，不過天陰陰，諗黎諗去，都係彭福好，但經過兩次摸門釘經驗！都驚驚地又再次摸門釘，不過去左先算！如果矛開，先再諗諗去邊！
好彩，今日唔洗掃興，彭福到大門為我打開！天氣凍凍地都幾好！
今日星期日，由於有人要隨時返工，所以唔可以去遠地方玩！再加上天陰陰同埋今日係特別日子，所以可以去玩地方唔多！今日係咩日子，今日係驚蟄，除左係打小人拜白虎之外，其實驚蟄意思即係話所有蛇蟲鼠蟻今日開始會出黎活動！所以今日草地就一定NO WAY！藉口一蘿蘿！最後米又係落街行下！
呢排唔知搞嘜鬼，一時同我玩波，一時掉公仔！今日重搞笑，話要考考我記性，睇我有矛老人痴呆！記得細細個返屋企，日日都係玩呢D把戲，每幾日教一樣！重覆又重覆！
荃灣區出現網球低手！超愛網球，但唔洗用網球拍，唔洗用手！只係出口，呢位網球低手，君子一名是也，因為動口不動手！本人正正就是荃灣費達拿！
回歸大草地，個個笑容滿面，雖然有幾他人，但無影響大家心情！
繼上次中秋熱爆大欖之旅，今日一於再反抄返上次路線！今日天氣出奇地好，又唔熱！同上次熱到嘔電簡直天淵 之別！上次行左五分鐘都透唔到氣，今日可以一口氣行到上大草地，勁！
個個一D面容扭曲都矛！
阿四鐘意吹水係人都知，借我過橋話帶我散步，實情係悶到周圍同人吹水……，你知啦佢個口唔！不停吹吹吹！話說幾個禮拜前，又拖埋我去吹波！同人講，話用蘋果醋抹腳好好！又介紹呢樣果樣扮專家！人地問我食嘜狗糧，佢都離晒題，不停咁滔滔不絕，吹呀吹，又話牛肉，羊肉，南瓜，紅蘿蔔，………太多太多不能盡錄！
